இலங்கை
சபாநாயகர் ஜகத் விக்கிரமரத்னவுக்கு எதிராக நம்பிக்கையில்லாப் பிரேரணை!
சபாநாயகர் கலாநிதி ஜகத் விக்கிரமரத்னவுக்கு எதிராக எதிர்க்கட்சியினரால் கொண்டுவரப்பட்ட நம்பிக்கையில்லாப் பிரேரணையில் நாடாளுமன்ற எதிர்க்கட்சி உறுப்பினர்கள் இன்று (08) கையொப்பமிட்டுள்ளனர்.
நாடாளுமன்ற எதிர்க்கட்சித் தலைவர் அலுவலகத்தில், எதிர்க்கட்சித் தலைவர் சஜித் பிரேமதாச தலைமையில் இந்நடவடிக்கை இடம்பெற்றது. இதன்போது எதிர்க்கட்சியைப் பிரதிநிதித்துவப்படுத்தும் பல நாடாளுமன்ற உறுப்பினர்கள் பிரேரணையில் தங்கள் கையொப்பங்களை இட்டனர்.
சபாநாயகரின் செயற்பாடுகளுக்கு எதிராக நாடாளுமன்ற ஜனநாயக வழிமுறையின் கீழ் தங்கள் எதிர்ப்பைப் பதிவுசெய்யும் வகையிலும், அவரது பதவிகளுக்குச் சவால் விடுக்கும் வகையிலும் எதிர்க்கட்சியினரால் இந்த நம்பிக்கையில்லாப் பிரேரணை முன்னெடுக்கப்பட்டுள்ளமை குறிப்பிடத்தக்கது.
