யாழ். ஆலயத் திருவிழாக்களில் அசம்பாவிதம்: கண் பாதிப்பால் 235 பேர் வைத்தியசாலையில் அனுமதி!

arvloshan.com

பண்டத்தரிப்பு, பிரான்பற்று கிராமத்திலுள்ள ஆலயத்தின் நேற்றைய (20) இரவுத் திருவிழாவின்போது இடம்பெற்ற வாணவேடிக்கை புகை மற்றும் அதிக ஒளிச்செறிவு கொண்ட மின்விளக்குகளின் பயன்பாடு காரணமாக கண் பாதிப்புக்குள்ளானவர்களின் எண்ணிக்கை 385 ஆக உயர்ந்துள்ளது. பாதிக்கப்பட்ட அனைவரும் யாழ்ப்பாணம் போதனா வைத்தியசாலையின் கண் சிகிச்சைப் பிரிவில் அனுமதிக்கப்பட்டு சிகிச்சைப் பெற்று வருகின்றனர்.

பாதிக்கப்பட்டவர்களில் தற்பொழுது நடைபெற்றுவரும் க.பொ.த. உயர்தரப் பரீட்சைக்குத் தோற்றும் மாணவர்கள் உட்பட பல பாடசாலை மாணவர்களும் அடங்குவதாக வைத்தியசாலை வட்டாரங்கள் தெரிவிக்கின்றன.

இதேவேளை, நேற்றைய தினம் நவாலி அந்திரான் கிராமத்தில் இடம்பெற்ற மற்றுமொரு ஆலயத் திருவிழாவின்போதும் வாணவேடிக்கை காரணமாக தீ விபத்து ஏற்பட்டுள்ளது. இதன்போது அருகிலிருந்த பனைமரம் மற்றும் பாதுகாப்பு வேலி என்பன தீப்பற்றி எரிந்ததுடன், பொதுமக்கள் சிலரும் காயமடைந்துள்ளனர்.

இச்சம்பவங்கள் தொடர்பில் தீவிர கவனம் செலுத்தியுள்ள யாழ்ப்பாண மாவட்ட அரசாங்க அதிபர் மருதலிங்கம் பிரதீபன், நேற்று நடைபெற்ற திருவிழாவில் கலந்துகொண்ட பொதுமக்கள் உடனடியாக அருகிலுள்ள வைத்தியசாலைகளில் பரிசோதனைகளை மேற்கொள்ளுமாறும், கண் பாதிப்பு உள்ளவர்கள் யாழ். போதனா வைத்தியசாலையின் கண் பிரிவில் உரிய சிகிச்சைகளைப் பெற்றுக்கொள்ளுமாறும் கேட்டுக்கொண்டுள்ளார்.

மேலும், ஒலிபெருக்கிகளின் அதீத பயன்பாடு, வெடிகளைக் கொளுத்துதல், ஆபத்தான லேசர் (laser) ஒளிக்கீற்றுகளைப் பயன்படுத்துதல் மற்றும் யானைகளை ஊர்வலமாக அழைத்துச் செல்லுதல் போன்ற பொதுமக்களின் பாதுகாப்புக்கு அச்சுறுத்தல் விளைவிக்கும் செயற்பாடுகளைத் தவிர்க்குமாறு நிர்வாகங்களுக்குத் தொடர்ச்சியாக அறிவுறுத்தல்கள் வழங்கப்பட்டு வருகின்றன. எனினும், சில ஆலய நிர்வாகங்கள் இவற்றை அலட்சியப்படுத்திச் செயற்படுவது மிகுந்த கவலையளிப்பதாக அரசாங்க அதிபர் சுட்டிக்காட்டியுள்ளார்.

எனவே, மதகுருமார்கள் மற்றும் வழிபாட்டுத் தலங்களின் நிர்வாகத்தினர் உரிய சமூகப் பொறுப்புணர்வுடன் செயற்பட்டு, எதிர்காலத்தில் பொதுமக்களின் பாதுகாப்பை உறுதி செய்யும் வகையில் திருவிழாக்களை நடத்த வேண்டும் என அவர் வலியுறுத்தியுள்ளார்.

(Latest Uptated  9.30pm)

யாழ்ப்பாணம், பண்டத்தரிப்பு பெரியவளவு பிரான்பற்று முருகன் ஆலயத்தில் இடம்பெற்ற சம்பவத்தில், அதிக செறிவுள்ள செயற்கை ஒளியின் (HID) வெளிப்பாட்டினால் ஏற்படக்கூடிய கண் பாதிப்பே ஏற்பட்டுள்ளதாக கண் வைத்திய நிபுணர் மலரவன் தனது மருத்துவ அறிக்கையில் தெரிவித்துள்ளார்.

சம்பவத்தையடுத்து பாதிக்கப்பட்டு சிகிச்சை பெற்றவர்களின் எண்ணிக்கை இரவு 9.30 மணி நிலவரப்படி 400-ஐ நெருங்கியுள்ளதாகவும் அவர் தெரிவித்துள்ளார்.

முன்னதாக, யாழ்ப்பாணம் போதனா வைத்தியசாலை பணிப்பாளர் சத்தியமூர்த்தி, 385 பேர் பாதிக்கப்பட்டுள்ளதாக தெரிவித்திருந்த நிலையில், தற்போது இந்த எண்ணிக்கை 400-ஐ நெருங்கியுள்ளது.


ஏனைய செய்திகள்

arvoshan.com

யாழ். பல்கலைக்கழக மாணவர்களிடையே குழு மோதல்: 5 பேர் காயம் – 21 பேர் விளக்கமறியலில்

...

arvoshan.com

மருத்துவர்களின் கோரிக்கைகள் புறக்கணிப்பு: தொழிற்சங்க நடவடிக்கைக்கு GMOA தயாராகிறது

...

arvoshan.com

இம்ரான் கான் தொடர்பான விவாதத்தைத் தடுத்தமைக்கு எதிர்க்கட்சித் தலைவர் சஜித் பிரேமதாச கேள்வி

...

arvoshan.com

2027 ஜனவரியில் அரச ஊழியர்கள், ஆசிரியர்களுக்கு மூன்றாம் கட்ட சம்பள அதிகரிப்பு – பிரதமர் அறிவிப்பு

...

arvoshan.com

இந்தியப் பெருங்கடலில் 6.8 ரிக்டர் அளவில் நிலநடுக்கம் – இலங்கைக்கு சுனாமி அச்சுறுத்தல் இல்லை!

...

arvoshan.com

2027ஆம் ஆண்டு வரவு செலவுத் திட்டத்தில் கல்விக்கான நிதி ஒதுக்கீடு குறைக்கப்படவில்லை – பிரதமர் ஹரிணி

...

arvoshan.com

வெளிநாடுகளில் தலைமறைவாக இருந்த 70-க்கும் மேற்பட்ட குற்றவாளிகள் இலங்கைக்கு அழைத்து வரப்பட்டனர் – அமைச்சர்

...

arvoshan.com

“சிறிமாவோவுக்கு ஜே.ஆர் செய்ததை மீண்டும் செய்ய வேண்டாம்” – அரசாங்கத்துக்கு தயாசிறி எச்சரிக்கை

...

arvoshan.com

13 மாவட்டங்களுக்கு இடியுடன் கூடிய மின்னல் தாக்கம் தொடர்பான எச்சரிக்கை

...

arvoshan.com

நிந்தவூரில் கடலில் மூழ்கி இரு இளைஞர்கள் மாயம் – ஒருவர் மீட்பு

...

arvoshan.com

இலங்கையின் 7 பகுதிகளில் ஆரோக்கியத்திற்குப் பாதிப்பை ஏற்படுத்தக்கூடிய அளவுக்கு காற்றின் தரம் வீழ்ச்சி

...

arvoshan.com

பன்னிப்பிட்டியவில் பழைய இரும்புப் பொருட்கள் விற்பனை நிலையத்தில் தீ விபத்து!

...

arvoshan.com

4 பில்லியன் ரூபா நிதி மோசடி குற்றச்சாட்டு: இரு நிறுவனப் பணிப்பாளர்கள் கைது

...

arvoshan.com

கற்பிட்டியில் 460 கிலோ கிராம் கடத்தல் கேந்து இலைகள் கடற்படையினரால் மீட்பு!

...

arvoshan.com

2027ஆம் ஆண்டுக்கான வரவு – செலவுத் திட்டத்தின் குழுநிலை விவாதம் இன்று ஆரம்பம்

...