பொலிஸ் காவலில் சந்தேகநபர் உயிரிழந்த சம்பவம் – ஹோமாகம பொலிஸ் அதிகாரி கைது!
ஹோமாகம பொலிஸ் நிலையத்தின் குற்றப் பிரிவுக்குப் பொறுப்பான பொலிஸ் அதிகாரி ஒருவர் கைது செய்யப்பட்டுள்ளார்.
பொலிஸ் காவலில் இருந்த சந்தேகநபர் ஒருவர் உயிரிழந்த சம்பவத்தைத் தொடர்ந்து, பணியிலிருந்து இடைநிறுத்தப்பட்டிருந்த குறித்த அதிகாரியே இவ்வாறு கைது செய்யப்பட்டுள்ளார்.
மேல் மாகாண தெற்குப் பிராந்திய குற்ற விசாரணைப் பிரிவின் அதிகாரிகளால் இந்தக் கைது நடவடிக்கை முன்னெடுக்கப்பட்டுள்ளது. ஹோமாகம பொலிஸ் காவலில் இருந்த இஷார ஹர்ஷன என்ற இளைஞர் உயிரிழந்த சம்பவம் தொடர்பான விசாரணைகளின் அடிப்படையிலேயே இந்த நடவடிக்கை எடுக்கப்பட்டுள்ளது.
இந்தச் சம்பவம், பொலிஸ் காவலில் உள்ள சந்தேகநபர்கள் நடத்தப்படும் விதம் தொடர்பில் பல்வேறு கேள்விகளையும் கவலைகளையும் ஏற்படுத்தியுள்ளது.
இந்நிலையில், சம்பவம் தொடர்பில் சுயாதீனமான விசாரணை நடத்தப்பட வேண்டுமென எதிர்க்கட்சித் தலைவர் சஜித் பிரேமதாசவும் வலியுறுத்தியுள்ளார்.
பொலிஸ் காவலில் ஒப்படைக்கப்படும் நபர்களின் பாதுகாப்பையும் நலனையும் உறுதிப்படுத்துவது பொலிஸ் அதிகாரிகளின் பொறுப்பு என அவர் சுட்டிக்காட்டியுள்ளார்.
சம்பவம் தொடர்பான மேலதிக விசாரணைகள் தொடர்ந்து முன்னெடுக்கப்பட்டு வருகின்றன.
