வெளிநாடுகளில் தலைமறைவாக இருந்த 70-க்கும் மேற்பட்ட குற்றவாளிகள் இலங்கைக்கு அழைத்து வரப்பட்டனர் – அமைச்சர்
ஒழுங்கமைக்கப்பட்ட குற்றச்செயல்களுடன் தொடர்புடைய சந்தேகநபர்களில் 70-க்கும் மேற்பட்டோர் வெளிநாடுகளில் இருந்து இலங்கைக்கு அழைத்து வரப்பட்டுள்ளதாக பொதுமக்கள் பாதுகாப்பு அமைச்சர் ஆனந்த விஜேபால தெரிவித்துள்ளார்.
ஒழுங்கமைக்கப்பட்ட குற்றச்செயல்கள் மற்றும் போதைப்பொருள் கடத்தலை ஒழிப்பதற்காக முன்னெடுக்கப்பட்டு வரும் தேசிய நடவடிக்கை வெற்றியடையும் எனத் தாம் நம்புவதாகவும் அவர் குறிப்பிட்டுள்ளார்.
இந்த நடவடிக்கையில் பொலிஸ் விசேட அதிரடிப்படையினர் (STF) முக்கிய பங்காற்றி வருவதாகவும் அமைச்சர் சுட்டிக்காட்டினார்.
களுத்துறை, கட்டுகுறுந்தையில் அமைந்துள்ள பொலிஸ் விசேட அதிரடிப்படை பயிற்சிப் பாடசாலையில் நடைபெற்ற 83ஆவது பயிற்சிப் பிரிவின் பயிற்சி நிறைவு விழாவில் கலந்துகொண்டு உரையாற்றியபோதே அமைச்சர் இதனைத் தெரிவித்தார்.