இலங்கையில் பரிசோதிக்கப்பட்ட 16 பூந்தி மாதிரிகளில் 13இல் தீங்கு விளைவிக்கும் இரசாயனங்கள்!
இலங்கையில் சந்தைகளில் இருந்து பெறப்பட்ட பூந்தி இனிப்புகளின் 16 மாதிரிகளைப் பரிசோதனை செய்ததில், அவற்றில் 13 மாதிரிகளில் மனித உடலுக்குத் தீங்கு விளைவிக்கக்கூடிய இரசாயனப் பொருட்கள் இருப்பது கண்டறியப்பட்டுள்ளது.
இலங்கை நுகர்வோர் விவகார அதிகார சபை (CAA) இதனை உறுதிப்படுத்தியுள்ளது.
பாதிக்கப்பட்ட பூந்தி இனிப்புகளை விற்பனை செய்த வர்த்தகர்களுக்கு எதிராக சட்ட நடவடிக்கைகள் முன்னெடுக்கப்பட்டு வருவதாக, அதிகார சபையின் பதில் பணிப்பாளர் நாயகம் சமந்த கருணாரத்ன தெரிவித்துள்ளார்.
இதற்கிடையில், இறக்குமதி செய்யப்பட்ட ஐஸ்கிரீம், பால் தேநீர் மற்றும் சிரப் வகைகளைச் சேர்ந்த 21 மாதிரிகளில் அனுமதிக்கப்பட்ட அளவை விட அதிகமான நுண்ணுயிர்கள் காணப்பட்டுள்ளன.
இதனையடுத்து, குறித்த 21 மாதிரிகளும் மேலதிக பரிசோதனைகளுக்காக அனுப்பி வைக்கப்பட்டுள்ளன.
மேலும், இவ்வாறான உணவுப் பொருட்களுக்கு கட்டாயத் தரச் சான்றிதழ் முறையை அறிமுகப்படுத்துவது குறித்தும் நுகர்வோர் விவகார அதிகார சபை பரிசீலித்து வருவதாக தெரிவிக்கப்பட்டுள்ளது.