AI பயிற்சிக்காக தரவுகளைத் திரட்டும் தானியங்கி பொட்கள் – பல்கலைக்கழக நூலகங்களின் சேவைகள் பாதிப்பு

arvloshan.com

செயற்கை நுண்ணறிவு (AI) மாதிரிகளைப் பயிற்றுவிப்பதற்காகத் தரவுகளைத் திரட்டும் தானியங்கி பொட்களின் (Bots) அதிகப்படியான இணையச் செயல்பாடுகளால் பல்கலைக்கழக நூலகங்களின் இணையத்தளச் சேவைகள் பாதிக்கப்பட்டு வருவதாக எச்சரிக்கை விடுக்கப்பட்டுள்ளது.

ChatGPT, Claude மற்றும் Gemini போன்ற செயற்கை நுண்ணறிவு மாதிரிகளைப் பயிற்றுவிப்பதற்காகப் பல்கலைக்கழக நூலக இணையத்தளங்களில் உள்ள தகவல்கள் தானியங்கி முறையில் பெருமளவில் திரட்டப்படுவதாகத் தெரிவிக்கப்பட்டுள்ளது.

கனடாவின் ஒன்ராறியோ தொழில்நுட்பப் பல்கலைக்கழகத்தின் கணினி அறிவியல் இணைப் பேராசிரியரும், நம்பகமான செயற்கை நுண்ணறிவுக்கான கனடா ஆராய்ச்சித் தலைவருமான பீட்டர் லூயிஸ், CTV தொலைக்காட்சியின் 'Your Morning' நிகழ்ச்சியில் இதுகுறித்துக் கருத்துத் தெரிவித்துள்ளார்.

பொதுவான செயற்கை நுண்ணறிவு மாதிரிகளை உருவாக்குவதற்கு அதிகளவிலான உயர்தரத் தகவல்கள் அவசியமாக இருப்பதாகவும், குறிப்பிட்ட துறைகள் மற்றும் நுணுக்கமான தலைப்புகள் தொடர்பான தகவல்களைப் பெறுவதற்கும் நிறுவனங்கள் ஆர்வம் காட்டுவதாகவும் அவர் குறிப்பிட்டுள்ளார்.

இதற்காக நூலக இணையத்தளங்களில் தானியங்கி தேடல்கள் மற்றும் வினவல்கள் மூலம் மிகப்பெரிய அளவில் தகவல்கள் திரட்டப்படுகின்றன. இதனால் சில சந்தர்ப்பங்களில் நூலகங்களின் இணையச் சேவைகள் செயலிழப்பதுடன், பொதுமக்களின் தகவல் அணுகலும் பாதிக்கப்படுவதாக அவர் சுட்டிக்காட்டியுள்ளார்.

இதற்கு உதாரணமாக, 2025ஆம் ஆண்டு ஒரே நாளில் பின்லாந்து இசை தொடர்பாக 11,329 தேடல்கள் இடம்பெற்றதாக அமெரிக்காவின் வட கரோலினா பல்கலைக்கழகம் – சேப்பல் ஹில் தெரிவித்துள்ளது.

இத்தகைய தானியங்கி தேடல்கள் கல்வி நிறுவனங்களின் செலவுகளை அதிகரிப்பதுடன், உண்மையான ஆய்வாளர்கள் தங்களுக்குத் தேவையான தகவல்களைப் பெற்றுக்கொள்வதிலும் சிரமங்களை ஏற்படுத்துகின்றன.

AI பொட்கள் சிக்கலான தேடல் வினவல்களை மேற்கொள்வதால், நூலகங்களின் சேவையகங்கள் மீது அதிக சுமை ஏற்படுவதாக பீட்டர் லூயிஸ் தெரிவித்துள்ளார்.

இதன் காரணமாக இணையச் சேவையகங்கள் அதிக சுமைக்கு உள்ளாகி, 'Denial of Service Attack' எனப்படும் சேவை மறுப்பு தாக்குதலுக்கு ஒத்த நிலைமை உருவாகக்கூடும் என்றும் அவர் எச்சரித்துள்ளார். இதனால் சாதாரண பயனர்கள் இணையத்தளங்களை அணுகுவதில் சிரமங்களை எதிர்கொள்வதுடன், சில இணையத்தளங்கள் முற்றாகச் செயலிழக்கவும் வாய்ப்புள்ளதாகக் குறிப்பிட்டுள்ளார்.

இதற்கிடையில், பல்கலைக்கழகத் தகவல் கட்டமைப்புகளைத் தானியங்கி AI முகவர்கள் அணுகுவதைத் தடுக்கும் நடவடிக்கையை கனடாவின் விக்டோரியா பல்கலைக்கழகம் அண்மையில் அறிவித்துள்ளது.

AI பயிற்சிக்காகத் தங்களது தகவல்கள் திரட்டப்படுவதை விரும்பாத நிறுவனங்களின் கோரிக்கைகளைச் சில AI நிறுவனங்கள் ஏற்றுக்கொண்டுள்ளன. இருப்பினும், தகவல்களைப் பயன்படுத்த விரும்பும் நிறுவனங்கள் அதற்கான கட்டணத்தை கல்வி நிறுவனங்களுக்கு வழங்குவதும் ஒரு தீர்வாக அமையலாம் என லூயிஸ் தெரிவித்துள்ளார்.

குறிப்பாக, தகவல்களை அணுகுவதற்கான தேடல்களின் எண்ணிக்கை, சேவையகங்கள் மீதான சுமை மற்றும் பயன்படுத்தப்படும் தகவல்களின் அளவு ஆகியவற்றின் அடிப்படையில் AI நிறுவனங்களுக்கும் கல்வி நிறுவனங்களுக்கும் இடையில் முறையான கட்டண ஒப்பந்தங்களை ஏற்படுத்துவது நீண்டகாலத் தீர்வாக அமையும் என அவர் வலியுறுத்தியுள்ளார்.


ஏனைய செய்திகள்

arvoshan.com

முதன்முறையாக விண்கலத்தை வெற்றிகரமாகப் பிடித்து சாதனை படைத்த SpaceX!

...

arvoshan.com

மைக்ரோசொப்ட் சேவைகளில் உலகளாவிய முடக்கம் – ஒரே தொழில்நுட்ப நிறுவனத்தைச் சார்ந்திருப்பதன் அபாயம் அம்பலம்

...

arvoshan.com

மைக்ரோசொஃப்ட் சேவைகளில் உலகளாவிய முடக்கம் – Outlook, Teams, Copilot பயன்பாடுகளை மீளமைப்பதில் சிக்கல்!

...

arvoshan.com

மைக்ரோசொஃப்ட் சேவைகளில் பரவலான முடக்கம் – Outlook, Teams உள்ளிட்ட சேவைகள் பாதிப்பு!

...

arvoshan.com

காதல் மோசடிக்காகத் திருடப்பட்ட புகைப்படம்; உண்மையான நபரைத் தேடி வந்த காதல் மோசடியால் பாதிக்கப்பட்டவர்கள்!

...

arvoshan.com

குழந்தைகள் மீதான பாலியல் துஷ்பிரயோகப் பதிவுகளை நீக்கும் வரை TikTok சேவையை நிறுத்த ஸ்பெயின் கோரிக்கை

...

arvoshan.com

குழந்தையின் வீடியோவை Snapchat-இல் வெளியிட்ட பெண்ணுக்கு சிறைத் தண்டனை – UAE-யிலிருந்து நாடு கடத்தவும் உத்தரவு

...

arvoshan.com

தினசரி வட்டி வழங்குவதாகக் கூறி 6.52 லட்சம் பேரிடம் ரூ.1,211 கோடி மோசடி!

...

arvoshan.com

போலி வேலைவாய்ப்பு நேர்காணல் மற்றும் AI கருவி மூலம் Binance நிறுவனத்திடமிருந்து 6.3 பில்லியன் டொலர் திருட்டு!

...

arvoshan.com

நினைவகச் சிப் விலை உயர்வு; ஆப்பிள் பங்குகள் 4% சரிவு – லாப வரம்பு குறையும் என புதிய தலைமை நிர்வாக அதிகாரி எச்சரிக்கை!

...

arvoshan.com

வெற்றிகரமாக விண்ணில் நிலைநிறுத்தப்பட்ட NVS-03 செயற்கைக்கோள் – இஸ்ரோ அறிவிப்பு

...

arvoshan.com

ChatGPT ஆலோசனையால் வலிப்பு நோய்க்கான மருந்தை நிறுத்தியதாகக் குற்றச்சாட்டு – OpenAI நிறுவனத்துக்கு எதிராக பெற்றோர் வழக்குத் தாக்கல்

...

arvoshan.com

AI தொழில்நுட்ப வளர்ச்சி: மைக்ரோசொஃப்ட் நிறுவனத்தின் 60,000 ஊழியர்களுக்கு தன்னார்வ விலகல் திட்டம்

...

arvoshan.com

செயற்கை நுண்ணறிவு விரிவாக்கத்திற்காக 3,500 கோடி டொலர் பங்கு வெளியீடு – மெட்டா அறிவிப்பு

...

arvoshan.com

பொறியியல் படிக்காமலேயே பறக்கும் காரை உருவாக்கி அசத்திய இளைஞர்!

...