10,000 ரூபா லஞ்சம் பெற்ற வனத்துறை கள உதவியாளர் கைது!
புத்தள பீட் வன அலுவலகத்தில் கடமையாற்றி வந்த வனத்துறை கள உதவியாளர் ஒருவர் 10,000 ரூபா லஞ்சம் கேட்டுக் பெற்ற குற்றச்சாட்டின் பேரில் கைது செய்யப்பட்டுள்ளதாக லஞ்ச ஊழல் பற்றிய சாட்டியங்களை புலனாய்வு செய்வதற்கான ஆணைக்குழு (CIABOC) தெரிவித்துள்ளது.
ஹேவாலுனுவில பகுதியைச் சேர்ந்த சனத் குமார எனப்படும் அதிகாரியே இவ்வாறு அக்டோபர் 8 ஆம் திகதி மாலை புத்தள பேருந்து நிலையத்தில் வைத்து கைது செய்யப்பட்டுள்ளார்.
ஹேவாலுமன்கட பகுதியில் சுமார் மூன்று ஏக்கர் அரசாங்கக் காணியில், சட்டவிரோதமாக மரங்களை வெட்டியமைக்காக சட்ட நடவடிக்கை எடுக்காமல் தடுப்பதற்கும், அங்கு சேனைப்பயிர்ச் செய்கையை தொடர்ந்து முன்னெடுத்துச் செல்வதற்கு அனுமதி அளிப்பதற்காகவும் முறைப்பாட்டாளரிடம் குறித்த அதிகாரி பல தடவைகளில் பணம் பெற்றுள்ளதாக லஞ்ச ஊழல் ஆணைக்குழு சுட்டிக்காட்டியுள்ளது.
இந்த சட்டவிரோத ஏற்பாட்டை தொடர்ந்து முன்னெடுத்துச் செல்வதற்காக, 2026 அக்டோபர் மாதத்திற்கான மாதாந்த கொடுப்பனவாக அவர் 10,000 ரூபாவை கோரிப் பெற்றுக்கொண்டபோதே கைது செய்யப்பட்டுள்ளார்.
கைது செய்யப்பட்ட சந்தேகநபர் கொழும்பு தலைமை நீதவான் நீதிமன்றத்தில் ஆஜர்படுத்தப்படவுள்ளார்.
