இலங்கை
ஜனாதிபதி ஞாயிறன்று இரு மாபெரும் பேரணிகளில் உரை
அரசாங்கத்தின் இரண்டாண்டு நிறைவு விழாவை முன்னிட்டு, எதிர்வரும் அக்டோபர் 11ஆம் திகதி ஞாயிற்றுக்கிழமை நிகவெரட்டிய மற்றும் இப்பாகமுவை ஆகிய பகுதிகளில் நடைபெறவுள்ள மக்கள் பேரணிகளில் ஜனாதிபதி அநுர குமார திஸாநாயக்க உரையாற்றவுள்ளார்.
தேசிய மக்கள் சக்தியின் (NPP) ஏற்பாட்டில், "நமது அரசாங்கம்: ஈராண்டு ஆட்சி - நாட்டிற்கு மாட்சி" எனும் கருப்பொருளின் கீழ் இப் பேரணிகள் ஏற்பாடு செய்யப்பட்டுள்ளன.
இதன்படி, அன்றைய தினம் பிற்பகல் 1.00 மணிக்கு நிகவெரட்டியிலும், பிற்பகல் 3.00 மணிக்கு இப்பாகமுவையிலும் இந்த மக்கள் பேரணிகள் இடம்பெறவுள்ளன.
இதில் நிகவெரட்டிய பகுதியில் நடைபெறும் மாபெரும் பேரணி பிற்பகல் 1.00 மணி முதல் நேரலை செய்யப்படவுள்ளமை குறிப்பிடத்தக்கது.
