இலங்கை
மண்ணெண்ணெய் பயன்பாடு: பேருந்துகளின் அனுமதிப்பத்திரங்கள் தற்காலிகமாக இடைநிறுத்தம்!
பொருத்தமான எரிபொருளுக்குப் பதிலாக மண்ணெண்ணெயைப் பயன்படுத்திச் சேவையில் ஈடுபட்ட பல பேருந்துகளின் வழி அனுமதிப்பத்திரங்கள் தற்காலிகமாக இடைநிறுத்தப்பட்டுள்ளதாகப் போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சு தெரிவித்துள்ளது.
சரியான எரிபொருளைப் பயன்படுத்தாமல், விதிமுறைகளுக்கு மாறாக மண்ணெண்ணெயைப் பயன்படுத்தி இயக்கப்பட்டு வந்த பேருந்துகளுக்கு எதிராகவே இந்நடவடிக்கை எடுக்கப்பட்டுள்ளதாக அமைச்சு தனது உத்தியோகபூர்வ சமூக ஊடகப் பதிவொன்றின் ஊடாக அறிவித்துள்ளது.
பொதுப்போக்குவரத்துச் சேவைகளின் செயற்பாடுகள் மற்றும் உரிய சட்டதிட்டங்களுக்கு அமைவாக அவை இயங்குகின்றனவா என்பதைக் கண்காணிக்கும் சோதனைகளை அதிகாரிகள் தீவிரப்படுத்தியுள்ள பின்னணியிலேயே இந்த நடவடிக்கை மேற்கொள்ளப்பட்டுள்ளது.
