8 மாகாணங்களில் வாகன வருமான வரிப்பத்திர விநியோகம் தற்காலிகமாக இடைநிறுத்தம்!
மேல் மாகாணம் தவிர்ந்த ஏனைய 8 மாகாணங்களிலும் மோட்டார் வாகன வருமான வரிப்பத்திரங்களை (Vehicle Revenue Licence) விநியோகிக்கும் பணிகள் தற்காலிகமாக இடைநிறுத்தப்படவுள்ளன.
மின்சார வருமான வரிப்பத்திர கட்டமைப்பு (eRL 2.0) ஊடாக மேற்கொள்ளப்படும் இந்தச் சேவைகள், எதிர்வரும் செப்டம்பர் 25 ஆம் திகதி முதல் 28 ஆம் திகதி வரை தற்காலிகமாக நிறுத்தப்படும் என அறிவிக்கப்பட்டுள்ளது.
இக் கட்டமைப்பில் மேற்கொள்ளப்படவுள்ள முக்கியமான கட்டமைப்பு ரீதியிலான புதுப்பித்தல் பணிகள் காரணமாகவே இந்த நடவடிக்கை எடுக்கப்பட்டுள்ளதாக டிஜிட்டல் பொருளாதார அமைச்சு தெரிவித்துள்ளது.
எதிர்வரும் செப்டம்பர் 28 ஆம் திகதி இக் முறைமையின் புதுப்பித்தல் பணிகள் நிறைவடைந்த பின்னர், பாதிக்கப்பட்ட அனைத்து மாகாணங்களிலும் வழக்கமான சேவைகள் மீண்டும் ஆரம்பமாகும் என்றும் அந்த அமைச்சு சுட்டிக்காட்டியுள்ளது.
எனவே, மேல் மாகாணத்திற்கு வெளியே உள்ள ஏனைய மாகாணங்களைச் சேர்ந்த வாகன உரிமையாளர்கள், இக் காலப்பகுதியில் தமது வாகன வருமான வரிப்பத்திரங்களைப் புதுப்பிப்பது தொடர்பில் தகுந்த ஏற்பாடுகளை மேற்கொள்ளுமாறு கேட்டுக்கொள்ளப்படுகிறார்கள்.
