இலங்கை
அமெரிக்க டொலரின் விற்பனை விலை 333 ரூபாவாக வீழ்ச்சி!
அமெரிக்க டொலருக்கு எதிராக இலங்கை ரூபாவின் பெறுமதி இன்றைய தினம் (23) மேலும் அதிகரிப்பைப் பதிவு செய்துள்ளது. செவ்வாய்க்கிழமையுடன் ஒப்பிடுகையில் டொலரின் விற்பனை விலை குறிப்பிடத்தக்க அளவில் சரிவடைந்து, 333.00 ரூபா எல்லைக்கு வந்துள்ளது.
இலங்கை மத்திய வங்கி வெளியிட்டுள்ள அன்றாட நாணய மாற்று வீதங்களின்படி, அமெரிக்க டொலர் ஒன்றின் கொள்வனவு வீதம் 326.27 ரூபாவிலிருந்து 324.64 ரூபாவாகக் குறைவடைந்துள்ளது.
அதேபோன்று, அமெரிக்க டொலரின் விற்பனை வீதமும் 335.28 ரூபாவிலிருந்து 333.70 ரூபாவாகச் சரிவைச் சந்தித்துள்ளது.
மேலும், வளைகுடா நாடுகளின் நாணயங்கள் உள்ளடங்கலாக ஏனைய முக்கிய வெளிநாட்டு நாணயங்களின் தொகுப்பிற்கு எதிராகவும் இலங்கை ரூபாவின் பெறுமதியில் சற்று மாற்றங்கள் ஏற்பட்டுள்ளமை குறிப்பிடத்தக்கது.
