பல மாவட்டங்களுக்கு மண்சரிவு அபாய எச்சரிக்கை!

நாட்டின் பல மாவட்டங்களில் நிலவிவரும் தொடர்ச்சியான சீரற்ற வானிலை காரணமாக, பல பிரதேச செயலகப் பிரிவுகளுக்கு மண்சரிவு முன்எச்சரிக்கையை தேசிய கட்டிட ஆராய்ச்சி நிறுவனம் விடுத்துள்ளது.

இன்று (13) பிற்பகல் 4:00 மணி முதல் நாளை (14) பிற்பகல் 4:00 மணி வரை செல்லுபடியாகும் வகையில் இந்த எச்சரிக்கை அறிவிப்பு வெளியிடப்பட்டுள்ளது.

இரண்டாம் நிலை (அம்பர்) எச்சரிக்கை
இரத்தினபுரி மாவட்டத்தின் கொலன்ன பிரதேச செயலகப் பிரிவுக்கு இரண்டாம் நிலை (அம்பர்) மண்சரிவு அபாய எச்சரிக்கை விடுக்கப்பட்டுள்ளது.

முதலாம் நிலை (மஞ்சள்) எச்சரிக்கை
அத்துடன், பின்வரும் மாவட்டங்களின் குறிப்பிட்ட பிரதேச செயலகப் பிரிவுகளுக்கு முதலாம் நிலை (மஞ்சள்) மண்சரிவு எச்சரிக்கை பிறப்பிக்கப்பட்டுள்ளது:

பதுளை மாவட்டம்: எல்ல, பசறை

கொழும்பு மாவட்டம்: படுகா

அம்பாந்தோட்டை மாவட்டம்: கட்டுவன, வலஸ்முல்ல

களுத்துறை மாவட்டம்: புலத்சிங்கள, பாலிந்தநுவர

கேகாலை மாவட்டம்: மாவநல்லை, ருவன்வெல்ல, புலத்கோபிட்டிய, யட்டியாந்தோட்டை, கேகாலை, அரநாயக்க, தெஹியோவிற்ற, ரம்புக்கனை, வரக்காப்பொல

மாத்தறை மாவட்டம்: பஸ்கொட, அதுரலிய, முலட்டியன

கண்டி மாவட்டம்: ஹத்தரலியத்த, தும்பனை

மாத்தளை மாவட்டம்: அம்பன்கங்க கோரளை, ரத்தோட்டை, மாத்தளை

நுவரெலியா மாவட்டம்: ஹங்குரன்கெத்த

இரத்தினபுரி மாவட்டம்: குருவிட்ட, ஆயகம, எஹெலியகொட, வெலிகேபொல, இரத்தினபுரி, களவானை, இம்புல்பே, நிவித்திகலை

தற்போது நிலவிவரும் மழையுடனான வானிலை நீடிக்கும் பட்சத்தில், குறிப்பிடப்பட்ட பகுதிகளில் வாழும் பொதுமக்கள் மண்சரிவு, பாறைச் சரிவு மற்றும் மண்மேடுகள் சரிந்து விழுதல் போன்ற அபாயங்கள் குறித்து மிகுந்த விழிப்புடன் இருக்குமாறு அதிகாரிகள் கேட்டுக்கொண்டுள்ளனர்.