நாடளாவிய ரீதியில் மூன்று நாட்களுக்கு ஒரு மணிநேர மின்வெட்டு – அனுமதி கோரியது NSO
நாடு முழுவதும் ஒக்டோபர் 19 முதல் 21ஆம் திகதி வரை தொடர்ந்து மூன்று நாட்களுக்கு ஒரு மணிநேர மின்வெட்டை அமுல்படுத்துவதற்கு தேசிய முறைமை இயக்குநர் நிறுவனமான (NSO), இலங்கை பொதுப் பயன்பாடுகள் ஆணைக்குழுவிடம் (PUCSL) அனுமதி கோரியுள்ளது.
இது தொடர்பில் இன்று (19) நடைபெற்ற ஊடகவியலாளர் சந்திப்பில் கருத்துத் தெரிவித்த NSO நிறுவனத்தின் பிரதம நிறைவேற்று அதிகாரி புத்திக சமரசிங்க, நாட்டை நான்கு வலயங்களாகப் பிரித்து, ஒவ்வொரு வலயத்திலும் ஒரு மணிநேர மின்வெட்டை அமுல்படுத்துவதற்கு முன்மொழியப்பட்டுள்ளதாகக் குறிப்பிட்டார்.
இதற்கமைய, இன்று மாலை 4.30 மணி முதல் இரவு 8.30 மணி வரையிலான காலப்பகுதியில் குறித்த மின்வெட்டுகளை நடைமுறைப்படுத்த எதிர்பார்ப்பதாக அவர் தெரிவித்தார்.
இதேவேளை, நாளை (20) மற்றும் நாளை மறுதினம் (21) ஆகிய தினங்களிலும் இதேபோன்று ஒரு மணிநேர மின்வெட்டை அமுல்படுத்துவதற்கு அனுமதி கோரப்பட்டுள்ளதாக அவர் மேலும் தெரிவித்தார்.
எனினும், முன்மொழியப்பட்டுள்ள மின்வெட்டு நடைமுறைக்கு வருவது இலங்கை பொதுப் பயன்பாடுகள் ஆணைக்குழுவின் அனுமதியிலேயே தங்கியுள்ளது.
