பலமான அரசியல் கட்சிகளை உருவாக்க கவிந்த ஜயவர்தன அழைப்பு
அரசியல் கட்சிகளில் உள்கட்சி ஜனநாயகம், இளைஞர் தலைமைத்துவம் மற்றும் வலுவான கட்சி கட்டமைப்புகளை உருவாக்குவதற்கு ஐரோப்பிய பங்காளிகள் ஆதரவளிக்க வேண்டும் என கம்பஹா மாவட்ட பாராளுமன்ற உறுப்பினர் கலாநிதி கவிந்த ஜயவர்தன கோரிக்கை விடுத்துள்ளார்.
கடந்த செப்டம்பர் 29ஆம் திகதி பிரஸ்ஸல்ஸில் நடைபெற்ற சர்வதேச வட்டமேஜை மாநாட்டில் உரையாற்றும் போதே அவர் இவ்வாறு தெரிவித்துள்ளார்.
“அழுத்தங்களுக்கு உள்ளாகும் அரசியல் கட்சிகள் – வெளித்தரப்பினரின் தீங்கிழைக்கும் செல்வாக்குகளுக்கு எதிராக கட்சிகளின் மீள்திறனை எவ்வாறு வலுப்படுத்துவது?” எனும் தலைப்பில் நடைபெற்ற இந்த நிகழ்வின் ஆரம்பக் குழு விவாதத்தில் உரையாற்றிய கலாநிதி கவிந்த ஜயவர்தன, சிறிய ஜனநாயக நாடுகளில் அரசியல் கட்சிகள் எதிர்கொள்ளும் சவால்கள் குறித்து இலங்கையின் பார்வையை முன்வைத்தார்.
கொன்ராட்-அடெனாவர்-ஸ்டிஃப்டுங் (KAS) மற்றும் அரசியல் அறக்கட்டளைகளின் ஐரோப்பிய வலையமைப்பு (ENoP) இணைந்து ஏற்பாடு செய்திருந்த இந்த வட்டமேஜை மாநாட்டில், ஐரோப்பிய அரசியல் அறக்கட்டளைகளின் பிரதிநிதிகள், ஐரோப்பிய ஒன்றிய நிறுவனங்கள் மற்றும் சிந்தனைக் குழுக்களின் நிபுணர்கள் மற்றும் உலகெங்கிலும் உள்ள பங்காளி நாடுகளின் பிரதிநிதிகள் பலர் கலந்து கொண்டனர்.
இந்தியப் பெருங்கடலின் மையப்பகுதியில் இலங்கையின் மூலோபாய முக்கியத்துவத்தை சுட்டிக்காட்டிய கலாநிதி ஜயவர்தன, நாட்டின் செழுமையான இன மற்றும் மத பன்முகத்தன்மையே அதன் மிகப்பெரிய பலங்களில் ஒன்றாகும் என குறிப்பிட்டார். சமூகங்களைப் பிளவுபடுத்த முனைபவர்களிடமிருந்து இந்த பன்முகத்தன்மை பாதுகாக்கப்பட வேண்டும் என்றும் அவர் வலியுறுத்தினார்.
இதன்போது, அரசியல் கட்சிகள் மீள்திறனைக் கட்டியெழுப்ப வேண்டிய மூன்று முக்கிய துறைகளை அவர் சுட்டிக்காட்டினார்:
தனிப்பட்ட தலைவர்களைச் சார்ந்திருப்பதைத் தவிர்த்து, வலுவான கட்சி நிறுவனங்களை உருவாக்குதல்.
குறிப்பாக சிங்களம் மற்றும் தமிழ் மொழிகளில் தகவல் சரிபார்ப்பு ஆற்றல் குறைவாக உள்ள சூழலில், சமூக ஊடகங்கள் மற்றும் செயற்கை நுண்ணறிவு மூலம் பரப்பப்படும் தவறான மற்றும் உணர்ச்சியைத் தூண்டும் கருத்துக்களை எதிர்கொள்ளுதல்.
தேர்தல்களின் போதும் மற்றும் இடைப்பட்ட ஆண்டுகளிலும் கட்சி நிதிப் பங்களிப்புகளில் வெளிப்படைத்தன்மையை உறுதி செய்தல்.
சுதேசிய மொழிகளில் தகவல் சரிபார்ப்புத் திறன்களையும் டிஜிட்டல் கல்வியறிவையும் கட்டியெழுப்புவதற்கு ஐரோப்பிய பங்காளிகள் உதவ வேண்டும் என்றும், இலங்கையைப் போன்ற நாடுகளை உண்மையான ஜனநாயக பங்காளிகளாக ஏற்று செயல்பட வேண்டும் என்றும் அவர் கேட்டுக்கொண்டார்.
தீங்கிழைக்கும் வெளிப்புறச் செல்வாக்குகள் எல்லைகளைக் கடந்து செயல்படுபவை என்பதை சுட்டிக்காட்டிய அவர், ஐரோப்பாவில் மீள்திறன் கொண்ட ஜனநாயகங்களை உருவாக்க வேண்டுமாயின், இந்தியப் பெருங்கடலிலும் அத்தகைய ஜனநாயகங்களைக் கட்டியெழுப்ப உதவ வேண்டும் எனக் கூறி தனது உரையை நிறைவு செய்தார்.
இந்த வட்டமேஜை மாநாடு 'சாத்தம் ஹவுஸ் விதிமுறைகளின்' கீழ் நடத்தப்பட்டமை குறிப்பிடத்தக்கது.அரசியல் கட்சிகளில் உள்கட்சி ஜனநாயகம், இளைஞர் தலைமைத்துவம் மற்றும் வலுவான கட்சி கட்டமைப்புகளை உருவாக்குவதற்கு ஐரோப்பிய பங்காளிகள் ஆதரவளிக்க வேண்டும் என கம்பஹா மாவட்ட பாராளுமன்ற உறுப்பினர் கலாநிதி கவிந்த ஜயவர்தன கோரிக்கை விடுத்துள்ளார்.
கடந்த செப்டம்பர் 29ஆம் திகதி பிரஸ்ஸல்ஸில் நடைபெற்ற சர்வதேச வட்டமேஜை மாநாட்டில் உரையாற்றும் போதே அவர் இவ்வாறு தெரிவித்துள்ளார்.
“அழுத்தங்களுக்கு உள்ளாகும் அரசியல் கட்சிகள் – வெளித்தரப்பினரின் தீங்கிழைக்கும் செல்வாக்குகளுக்கு எதிராக கட்சிகளின் மீள்திறனை எவ்வாறு வலுப்படுத்துவது?” எனும் தலைப்பில் நடைபெற்ற இந்த நிகழ்வின் ஆரம்பக் குழு விவாதத்தில் உரையாற்றிய கலாநிதி கவிந்த ஜயவர்தன, சிறிய ஜனநாயக நாடுகளில் அரசியல் கட்சிகள் எதிர்கொள்ளும் சவால்கள் குறித்து இலங்கையின் பார்வையை முன்வைத்தார்.
கொன்ராட்-அடெனாவர்-ஸ்டிஃப்டுங் (KAS) மற்றும் அரசியல் அறக்கட்டளைகளின் ஐரோப்பிய வலையமைப்பு (ENoP) இணைந்து ஏற்பாடு செய்திருந்த இந்த வட்டமேஜை மாநாட்டில், ஐரோப்பிய அரசியல் அறக்கட்டளைகளின் பிரதிநிதிகள், ஐரோப்பிய ஒன்றிய நிறுவனங்கள் மற்றும் சிந்தனைக் குழுக்களின் நிபுணர்கள் மற்றும் உலகெங்கிலும் உள்ள பங்காளி நாடுகளின் பிரதிநிதிகள் பலர் கலந்து கொண்டனர்.
இந்தியப் பெருங்கடலின் மையப்பகுதியில் இலங்கையின் மூலோபாய முக்கியத்துவத்தை சுட்டிக்காட்டிய கலாநிதி ஜயவர்தன, நாட்டின் செழுமையான இன மற்றும் மத பன்முகத்தன்மையே அதன் மிகப்பெரிய பலங்களில் ஒன்றாகும் என குறிப்பிட்டார். சமூகங்களைப் பிளவுபடுத்த முனைபவர்களிடமிருந்து இந்த பன்முகத்தன்மை பாதுகாக்கப்பட வேண்டும் என்றும் அவர் வலியுறுத்தினார்.
இதன்போது, அரசியல் கட்சிகள் மீள்திறனைக் கட்டியெழுப்ப வேண்டிய மூன்று முக்கிய துறைகளை அவர் சுட்டிக்காட்டினார்:
தனிப்பட்ட தலைவர்களைச் சார்ந்திருப்பதைத் தவிர்த்து, வலுவான கட்சி நிறுவனங்களை உருவாக்குதல்.
குறிப்பாக சிங்களம் மற்றும் தமிழ் மொழிகளில் தகவல் சரிபார்ப்பு ஆற்றல் குறைவாக உள்ள சூழலில், சமூக ஊடகங்கள் மற்றும் செயற்கை நுண்ணறிவு மூலம் பரப்பப்படும் தவறான மற்றும் உணர்ச்சியைத் தூண்டும் கருத்துக்களை எதிர்கொள்ளுதல்.
தேர்தல்களின் போதும் மற்றும் இடைப்பட்ட ஆண்டுகளிலும் கட்சி நிதிப் பங்களிப்புகளில் வெளிப்படைத்தன்மையை உறுதி செய்தல்.
சுதேசிய மொழிகளில் தகவல் சரிபார்ப்புத் திறன்களையும் டிஜிட்டல் கல்வியறிவையும் கட்டியெழுப்புவதற்கு ஐரோப்பிய பங்காளிகள் உதவ வேண்டும் என்றும், இலங்கையைப் போன்ற நாடுகளை உண்மையான ஜனநாயக பங்காளிகளாக ஏற்று செயல்பட வேண்டும் என்றும் அவர் கேட்டுக்கொண்டார்.
தீங்கிழைக்கும் வெளிப்புறச் செல்வாக்குகள் எல்லைகளைக் கடந்து செயல்படுபவை என்பதை சுட்டிக்காட்டிய அவர், ஐரோப்பாவில் மீள்திறன் கொண்ட ஜனநாயகங்களை உருவாக்க வேண்டுமாயின், இந்தியப் பெருங்கடலிலும் அத்தகைய ஜனநாயகங்களைக் கட்டியெழுப்ப உதவ வேண்டும் எனக் கூறி தனது உரையை நிறைவு செய்தார்.
இந்த வட்டமேஜை மாநாடு 'சாத்தம் ஹவுஸ் விதிமுறைகளின்' கீழ் நடத்தப்பட்டமை குறிப்பிடத்தக்கது.
