அஹங்கல்லவில் லோக்கு பெட்டியின் தம்பி மீது துப்பாக்கிச்சூடு: படுகாயங்களுடன் வைத்தியசாலையில் அனுமதி
அஹுங்கல்ல பகுதியிலுள்ள வீட்டின் அருகில் வைத்து துப்பாக்கிச்சூட்டுக்கு இலக்கான நபர் ஒருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.
பாதாள உலகக் குழுவின் முக்கிய புள்ளியாகக் கருதப்படும் 'லோக்கு பெட்டி' என்பவரின் 35 வயதான தம்பியே இவ்வாறு துப்பாக்கிப் பிரயோகத்திற்கு இலக்காகியுள்ளார் என பொலிஸார் தெரிவித்துள்ளனர்.
அஹுங்கல்ல, வெலிகந்த பகுதியில் அமைந்துள்ள அவரது வீட்டிற்கு அருகிலேயே இச்சம்பவம் இடம்பெற்றுள்ளது. இத்தாக்குதலுக்கு 9 மில்லிமீற்றர் (9mm) வகை துப்பாக்கி பயன்படுத்தப்பட்டுள்ளதாக பொலிஸ் தரப்புத் தகவல்கள் தெரிவிக்கின்றன.
சம்பவத்தில் தீவிர காயமடைந்த அவர், உடனடியாக மருத்துவ சிகிச்சைக்காக வைத்தியசாலையில் அனுமதிக்கப்பட்டுள்ளார்.
இத் துப்பாக்கிச்சூட்டுக்கான பின்னணி அல்லது காரணம் குறித்து இதுவரை தெளிவான தகவல்கள் வெளியாகாத நிலையில், தாக்குதலை நடத்திய நபர்களை அடையாள கண்டு கைது செய்வதற்காகப் பொலிஸார் தீவிர விசாரணைகளை ஆரம்பித்துள்ளனர்.
