இலங்கை
13 மாவட்டங்களுக்கு 'எச்சரிக்கை மட்ட' வெப்ப அலை அறிவித்தல் வெளியிடப்பட்டுள்ளது
நாட்டின் 13 மாவட்டங்களில் நாளை (02) வெப்பநிலை அதிகரித்து காணப்படும் என வளிமண்டலவியல் திணைக்களம் எச்சரிக்கை விடுத்துள்ளது.
வடக்கு, வடமத்திய மற்றும் கிழக்கு மாகாணங்களிலும் மொனராகலை, அம்பாந்தோட்டை மற்றும் இரத்தினபுரி ஆகிய மாவட்டங்களிலுமே இவ்வாறு வெப்பமான வானிலை நிலவக்கூடும் என எதிர்பார்க்கப்படுகின்றது.
குறித்த மாகாணங்கள் மற்றும் மாவட்டங்களின் சில இடங்களில் பகல் வேளையில் மனித உடலால் உணரப்படும் வெப்பநிலை 'எச்சரிக்கை மட்டம்' (Caution level) வரை உயரக்கூடும் என தெரிவிக்கப்பட்டுள்ளது.
எனவே, பொதுமக்கள் போதியளவு நீர் அருந்துவதுடன், கடுமையான வெளிப்புற நடவடிக்கைகளின் போது அவதானமாக இருக்குமாறும் வளிமண்டலவியல் திணைக்களம் கேட்டுக்கொண்டுள்ளது.
