பல்வேறு குற்றச்சாட்டுகளில் 208 பொலிஸ் உத்தியோகத்தர்கள் கைது; 1,500 பேர் பணி இடைநீக்கம்
பல்வேறு குற்றச்செயல்களுடன் தொடர்புடைய 208 பொலிஸ் உத்தியோகத்தர்கள் இதுவரை கைது செய்யப்பட்டுள்ளதாக பொலிஸ் ஊடகப் பேச்சாளரும் உதவிப் பொலிஸ் அத்தியட்சகருமான எப்.யூ. வூட்லர் தெரிவித்துள்ளார்.
போதைப்பொருள் தொடர்பான குற்றங்கள் உள்ளிட்ட பல்வேறு குற்றச்செயல்கள் தொடர்பிலேயே குறித்த பொலிஸ் உத்தியோகத்தர்கள் கைது செய்யப்பட்டுள்ளதாக அவர் குறிப்பிட்டுள்ளார்.
அதேவேளை, பல்வேறு குற்றச்சாட்டுகள் தொடர்பில் சுமார் 1,500 பொலிஸ் உத்தியோகத்தர்கள் பணியிலிருந்து இடைநீக்கம் செய்யப்பட்டுள்ளதாகவும் அவர் தெரிவித்துள்ளார்.
அத தெரண தொலைக்காட்சியில் ஒளிபரப்பான நிகழ்ச்சியொன்றில் கலந்துகொண்டு கருத்து வெளியிட்டபோதே அவர் இதனைக் குறிப்பிட்டுள்ளார்.
பொலிஸ் திணைக்களத்திற்குள் ஊழல் மற்றும் பொருத்தமற்ற செயற்பாடுகளில் ஈடுபடும் உத்தியோகத்தர்கள் இருப்பதை ஏற்றுக்கொண்ட அவர், அவ்வாறானவர்களை அடையாளம் கண்டு சேவையிலிருந்து நீக்குவதற்கும், அவர்களுக்கு எதிராகக் கடுமையான சட்ட நடவடிக்கைகளை எடுப்பதற்கும் நடவடிக்கை எடுக்கப்பட்டு வருவதாகத் தெரிவித்தார்.
"எமது திணைக்களத்திற்குள் பொருத்தமற்ற நபர்கள் இருப்பது மாத்திரமல்ல, அவர்களை அடையாளம் கண்டு சேவையிலிருந்து நீக்குவதற்கான நடவடிக்கைகளையும் நாம் முன்னெடுத்துள்ளோம்" என அவர் மேலும் குறிப்பிட்டார்.
