2025 ஒக்டோபர் முதல் இதுவரை 11,131 சிறுவர்கள் கைது – பொலிஸ் பேச்சாளர்
2025ஆம் ஆண்டு ஒக்டோபர் 30ஆம் திகதி முதல் இதுவரையான காலப்பகுதியில் 233 சிறுமிகள் உட்பட மொத்தம் 11,131 சிறுவர்கள் கைது செய்யப்பட்டுள்ளதாக பொலிஸ் ஊடகப் பேச்சாளர் உதவிப் பொலிஸ் அத்தியட்சகர் எஃப்.யூ. வூட்லர் தெரிவித்துள்ளார்.
அத தெரண தொலைக்காட்சியில் ஒளிபரப்பான நிகழ்ச்சியொன்றில் கலந்துகொண்டு கருத்து வெளியிட்டபோதே அவர் இதனைத் தெரிவித்துள்ளார்.
இதேவேளை, பாடசாலைகள் மற்றும் தனியார் வகுப்புகளுக்கு அருகில் போதைப்பொருட்கள் விநியோகிக்கப்படுவதாகக் கிடைத்துள்ள தகவல்கள் தொடர்பிலும் பொலிஸார் விசாரணைகளை முன்னெடுத்து வருகின்றனர்.
குறிப்பாக, ஐஸ்கிரீம், பஞ்சு மிட்டாய் மற்றும் சரவிட்டா போன்ற உணவுப் பொருட்களுக்குள் போதைப்பொருட்களை மறைத்து விநியோகிப்பதாகக் கூறப்படும் சம்பவங்கள் குறித்தும் அதிகாரிகள் கவனம் செலுத்தியுள்ளனர்.
எனவே, பெற்றோர்கள் தமது பிள்ளைகளின் உணவுப் பழக்கவழக்கங்கள், நடத்தை, உரையாடல்கள் மற்றும் நண்பர்கள் வட்டத்தில் ஏற்படும் மாற்றங்கள் குறித்து மிகுந்த அவதானத்துடன் இருக்க வேண்டும் என பொலிஸ் ஊடகப் பேச்சாளர் வலியுறுத்தியுள்ளார்.
இவ்வாறான மாற்றங்கள் பிள்ளைகள் போதைப்பொருள் தொடர்பான நடவடிக்கைகளில் ஈடுபடுவதற்கான அறிகுறிகளாக இருக்கலாம் என்றும் அவர் சுட்டிக்காட்டியுள்ளார்.
