ரியாத், தம்மாம் விமான சேவைகள் நவம்பர் 1 வரை இடைநிறுத்தம் – ஸ்ரீலங்கன் எயார்லைன்ஸ் அறிவிப்பு

பிராந்தியத்தில் நிலவும் பாதுகாப்பு நிலைமையைக் கருத்திற்கொண்டு, கொழும்பிலிருந்து சவூதி அரேபியாவின் ரியாத் மற்றும் தம்மாம் நகரங்களுக்கான விமான சேவைகளை நவம்பர் 1ஆம் திகதி வரை நீடித்து இடைநிறுத்துவதாக ஸ்ரீலங்கன் எயார்லைன்ஸ் அறிவித்துள்ளது.

இது தொடர்பாக இன்று (22) வெளியிடப்பட்ட அறிக்கையில், கொழும்பு – ரியாத் மற்றும் கொழும்பு – தம்மாம் இடையிலான அனைத்து விமான சேவைகளும் 2026 நவம்பர் 1ஆம் திகதி உட்பட அதுவரை இடைநிறுத்தப்பட்டிருக்கும் எனத் தெரிவிக்கப்பட்டுள்ளது.

பிராந்தியத்தில் நிலவும் பாதுகாப்பு நிலைமையைக் கருத்திற்கொண்டே இந்தத் தீர்மானம் எடுக்கப்பட்டுள்ளதாகவும், பயணிகள் மற்றும் விமானப் பணியாளர்களின் பாதுகாப்பே தமது முதன்மையான முன்னுரிமை என்றும் விமான நிறுவனம் குறிப்பிட்டுள்ளது.

வணிக ரீதியான விமானப் போக்குவரத்தை முன்னெடுப்பதற்குப் பொருத்தமான சூழல் நிலவுவதாக மதிப்பிடப்பட்ட பின்னர், குறித்த இரண்டு நகரங்களுக்குமான விமான சேவைகள் மீண்டும் ஆரம்பிக்கப்படும் எனவும் அறிவிக்கப்பட்டுள்ளது.

பயணிகளுக்கான அறிவிப்பு

விமான சேவைகள் தொடர்பான மேலதிக தகவல்களைப் பெற்றுக்கொள்ள விரும்பும் பயணிகள், ஸ்ரீலங்கன் எயார்லைன்ஸின் 1979 என்ற உள்நாட்டு தொலைபேசி இலக்கத்தையோ அல்லது சர்வதேச அழைப்புகளுக்கான +94 11 777 1979 என்ற இலக்கத்தையோ தொடர்புகொள்ள முடியும்.

மேலும், WhatsApp மூலம் உரையாடுவதற்கு மட்டும் +94 74 444 1979 என்ற இலக்கத்தைப் பயன்படுத்தலாம்.

பயண முகவர்கள் அல்லது ஸ்ரீலங்கன் எயார்லைன்ஸின் உத்தியோகபூர்வ இணையத்தளமான www\.srilankan.com ஊடாகவும் மேலதிக தகவல்களைப் பெற்றுக்கொள்ள முடியும்.

விமான சேவைகள் இடைநிறுத்தப்பட்டுள்ள காலப்பகுதியில் பயணிகள் வழங்கும் புரிந்துணர்வு மற்றும் ஒத்துழைப்புக்கு விமான நிறுவனம் நன்றியும் தெரிவித்துள்ளது.