இலங்கை
இனி மின்வெட்டு இல்லை! இலங்கையில் தொடர்ச்சியான மின்சார விநியோகம்
இலங்கையில் ஒக்டோபர் 22ஆம் திகதி முதல் மின்சாரத் தேவை முகாமைத்துவ நடவடிக்கைகள் அவசியமில்லை என தேசிய முறைமை இயக்குநர் (NSO) அறிவித்துள்ளது.
லக்விஜய மின் உற்பத்தி நிலையத்தின் இரண்டாவது மின் உற்பத்தி அலகு மீண்டும் முழுமையான 270 மெகாவாட் மின் உற்பத்தித் திறனுடன் இயங்கத் தொடங்கியுள்ளதைத் தொடர்ந்து இந்தத் தீர்மானம் எடுக்கப்பட்டுள்ளது.
இதற்கமைய, ஒக்டோபர் 19ஆம் திகதி முதல் 21ஆம் திகதி வரை நடைமுறைப்படுத்தப்பட்ட மின்சாரக் கட்டுப்பாட்டு நடவடிக்கைகள் இனி தேவையில்லை என அறிவிக்கப்பட்டுள்ளது.
மின்சார விநியோகத்தைச் சீராகப் பேணுவதற்காக நடைமுறைப்படுத்தப்பட்ட கட்டுப்பாடுகளின்போது ஒத்துழைப்பு வழங்கிய மின்சாரப் பாவனையாளர்களுக்கு தேசிய முறைமை இயக்குநர் நன்றி தெரிவித்துள்ளது.
