இலங்கை
முன்னாள் அமைச்சர் ரோஹித போகொல்லாகம வழக்கு முடியும் வரை விளக்கமறியலில்!
கொழும்பு மேல் நீதிமன்றத்தில் இலஞ்ச ஊழல் ஆணைக்குழுவினால் தாக்கல் செய்யப்பட்டுள்ள ஊழல் வழக்கு விசாரணை நிறைவடையும் வரை, முன்னாள் அமைச்சர் ரோஹித போகொல்லாகமவை விளக்கமறியலில் வைக்குமாறு உத்தரவிடப்பட்டுள்ளது.
இலஞ்ச ஊழல் ஆணைக்குழுவினால் முன்வைக்கப்பட்ட சமர்ப்பணங்களை ஆராய்ந்த பின்னரே, கொழும்பு மேல் நீதிமன்ற நீதிபதி ரஷான்த கொடவெல இந்த உத்தரவைப் பிறப்பித்துள்ளார்.
குறித்த வழக்குத் தொடர்பில் நீதிமன்றத்தில் பல சந்தர்ப்பங்களில் ஆஜராகத் தவறியமையினால், ரோஹித போகொல்லாகமவுக்கு எதிராக திறந்த பிடியாணை பிறப்பிக்கப்பட்டிருந்தது. இந்நிலையிலேயே, அவர் இலஞ்ச ஊழல் ஆணைக்குழுவின் அதிகாரிகளால் கைது செய்யப்பட்டு நீதிமன்றத்தில் ஆஜர்படுத்தப்பட்டதனைத் தொடர்ந்து இவ்வுத்தரவு பிறப்பிக்கப்பட்டுள்ளது.
