ஜனாதிபதி செயலகத்திற்கு முன்பாகத் தொடரும் பிக்குகளின் போராட்டம்: பேச்சுவார்த்தையில் ஜனாதிபதியின் செயலாளர்
கொழும்பில் உள்ள ஜனாதிபதி செயலகத்திற்கு முன்பாக வீதியில் அமர்ந்து போராட்டத்தில் ஈடுபட்டுவரும் பௌத்த பிக்குகளுடன் பேச்சுவார்த்தை நடத்துவதற்காக, ஜனாதிபதியின் செயலாளர் கலாநிதி நந்திக சனத் குமாநாயக்க அங்கு சென்றுள்ளார்.
சிறையில் அடைக்கப்பட்டுள்ள வணக்கத்திற்குரிய கலகொட அத்தே ஞானசார தேரரை விடுதலை செய்யுமாறு கோரி, மகா சங்கத்தினர் இந்த அமர்வுப் போராட்டத்தை முன்னெடுத்து வருகின்றனர்.
அதிகாரிகளிடமிருந்து சாதகமான பதில் கிடைக்கும் வரை போராட்டத்தைக் கைவிட்டுச் செல்லப் போவதில்லை எனப் பௌத்த பிக்குகள் தெரிவித்துள்ளனர்.
கடும் மழையையும் பொருட்படுத்தாது கொழும்பை வந்தடைந்த பிக்குகள், ஜனாதிபதி செயலகத்திற்கு முன்பாகத் தமது போராட்டத்தைத் தொடர்ந்து வருகின்றனர்.
இந்நிலையில், போராட்டத்தில் ஈடுபட்டுள்ள பிக்குகளுக்கும் ஜனாதிபதியின் செயலாளருக்கும் இடையில் பேச்சுவார்த்தைகள் இடம்பெற்று வருகின்றன.
