இலங்கை
சீரற்ற வானிலை: நுவரெலியா மற்றும் ஹட்டன் கல்வி வலய பாடசாலைகளுக்கு நாளை விடுமுறை
மத்திய மாகாணத்தில் நிலவும் சீரற்ற வானிலை காரணமாக நுவரெலியா மற்றும் ஹட்டன் கல்வி வலயங்களுக்குட்பட்ட அனைத்து பாடசாலைகளுக்கும் நாளை விடுமுறை வழங்கப்பட்டுள்ளதாக மத்திய மாகாண கல்விச் செயலாளர் தெரிவித்துள்ளார்.
மலைநாட்டில் தொடர்ச்சியாக பெய்து வரும் பலத்த மழை மற்றும் நிலவும் மோசமான காலநிலை காரணமாகவே மாணவர்களின் பாதுகாப்பினைக் கருத்திற் கொண்டு இந்நடவடிக்கை எடுக்கப்பட்டுள்ளது.
இதேவேளை, மத்திய மாகாணத்திலுள்ள ஏனைய கல்வி வலயங்களில் உள்ள பாடசாலைகளை நாளை நடத்துவதா அல்லது விடுமுறை வழங்குவதா என்பது குறித்து தீர்மானிக்கும் அதிகாரம் அந்தந்த வலயக் கல்விப் பணிப்பாளர்களுக்கு வழங்கப்பட்டுள்ளதாகவும் அவர் மேலும் குறிப்பிட்டுள்ளார்.
