நிதிக்குற்றப் புலனாய்வுப் பிரிவில் முன்னிலையாகாத சிராந்தி ராஜபக்ஷ: வேறு திகதி கோரி கடிதம்
முன்னாள் முதன்முதல்வர் சிராந்தி ராஜபக்ஷ, காவல்துறை நிதிக்குற்றப் புலனாய்வுப் பிரிவில் (FCID) இன்றைய தினம் (24) முன்னிலையாகத் தவறியுள்ளதுடன், விசாரணைக்குச் செல்வதற்கு வேறு திகதி ஒன்றைக் கோரி எழுத்து மூலம் கோரிக்கை விடுத்துள்ளார்.
'சிரிலிய சவிய' நிதியத்தின் கணக்குடன் தொடர்புடைய நிதிப் பரிவர்த்தனைகள் மற்றும் முறைகேடுகள் குறித்த விசாரணைகளுக்காகவே, நிதிக்குற்றப் புலனாய்வுப் பிரிவில் இன்றை தினம் ஆஜராகுமாறு அவருக்குப் பொலிஸாரால் அழைப்பாணை விடுக்கப்பட்டிருந்தது.
எனினும், முன்னாள் ஜனாதிபதி மஹிந்த ராஜபக்ஷவின் மனைவியான சிராந்தி ராஜபக்ஷ, தற்போது மருத்துவ சிகிச்சைக்காகச் சிங்கப்பூர் சென்றுள்ளதால், அவரால் இன்றைய தினம் விசாரணைக்கு முன்னிலையாக முடியாமல்போயுள்ளதாக அவரது தரப்பால் நிதிக்குற்றப் புலனாய்வுப் பிரிவுக்கு அறிவிக்கப்பட்டுள்ளது.
இச் சூழ்நிலையிலேயே, அவர் சார்பாகக் குறித்த பிரிவுக்குக் கடிதம் மூலம் கோரிக்கை சமர்ப்பிக்கப்பட்டு, விசாரணைக்கு ஆஜராக புதிய திகதியொன்று கோரப்பட்டுள்ளதாகப் பொலிஸார் தெரிவித்தனர்.
