இலங்கை
பொலன்னறுவை சிறுநீரக வைத்தியசாலையில் வெடிப்பு: 7 பேர் காயம்!
பொலன்னறுவை தேசிய சிறுநீரகவியல் வைத்தியசாலையில் சனிக்கிழமை (செப்டம்பர் 26) அதிகாலை இடம்பெற்ற சக்திவாய்ந்த வெடிப்புச் சம்பவத்தில் ஏழு பேர் காயமடைந்துள்ளனர்.
வைத்தியசாலையின் சமையலறைப் பகுதியிலேயே இவ் வெடிப்புச் சம்பவம் இடம்பெற்றுள்ளதாகத் தெரிவிக்கப்படுகின்றது.
இந்த திடீர் வெடிப்பினால் வைத்தியசாலைக் கட்டிடப் பகுதி பலத்த சேதமடைந்துள்ளதுடன், காயமடைந்த வைத்தியசாலை ஊழியர்கள் உடனடியாகச் சிகிச்சைக்காகப் பொலன்னறுவை போதனா வைத்தியசாலையில் அனுமதிக்கப்பட்டுள்ளனர்.
காயமடைந்தவர்களில் மூவரின் நிலைமை கவலைக்கிடமாக உள்ளதாக வைத்தியசாலை வட்டாரங்கள் தெரிவிக்கின்றன.
