இலங்கை
பொலன்னறுவை மருத்துவமனை வெடிப்புச் சம்பவத்தில் ஊழியர் உயிரிழப்பு
பொலன்னறுவை தேசிய சிறுநீரகவியல் மருத்துவமனையின் சமையலறைப் பகுதியில் இன்று (செப்டம்பர் 26) அதிகாலை இடம்பெற்ற வெடிப்புச் சம்பவத்தில் காயமடைந்த ஊழியரொருவர் உயிரிழந்துள்ளார்.
இன்று அதிகாலை 4:30 மணியளவில் இச்சம்பவம் இடம்பெற்றுள்ளதுடன், வெடிப்பில் காயமடைந்த மேலும் சிலர் பொலன்னறுவை பொது மருத்துவமனையில் அனுமதிக்கப்பட்டுச் சிகிச்சைப் பெற்று வருகின்றனர்.
இச்சம்பவத்தில் உயிரிழந்தவர் மேற்படி மருத்துவமனையில் பணியாற்றி வந்த ஊழியர் ஒருவர் என அடையாளம் காணப்பட்டுள்ளார்.
இந்த திடீர் வெடிப்புச் காரணமாக மருத்துவமனையின் சமையலறை இயங்கி வந்த கட்டடப் பகுதி கடுமையாகச் சேதமடைந்துள்ளது.
வெடிப்புக்கான காரணத்தைக் கண்டறியும் நோக்கில் காவல்துறையினர் தீவிர விசாரணைகளை முன்னெடுத்து வருகின்றனர்.
