தியாக தீபம் திலிபனின் நினைவேந்தல் அவர் பிறந்த மண்ணான ஊரெழுவில் அனுஸ்டிப்பு
தியாக தீபம் திலீபனின் 39 ஆவது ஆண்டு நினைவேந்தலை முன்னிட்டு அவரின் பிறந்த மண்ணான யாழ்ப்பாணம் ஊரெழுவில் அமைந்துள்ள அவரது வீடு அமைந்திருந்த வளாகத்தில் நினைவு நிகழ்வுகள் நடைபெற்றன
தமிழ் தேசிய மக்கள் முன்னணி மற்றும் தீவக நினைவேந்தல் , குழு தாயக செயலணி போன்றனவற்றின் ஏற்பாட்டில் இந்நிகழ்வுகள் நடைபெற்றன
அவ்விடத்தில் நினைவுச்சுடர் ஏற்றப்பட்டு மலர்மாலைகள் அணிவிக்கப்பட்டு அகவணக்கம் செலுத்தப்பட்டு மலர் வணக்கம் செலுத்தப்பட்டது
அங்கு இருந்து தமிழ் தேசிய மக்கள் முன்னணி மற்றும் தீவக நினைவேந்தல் குழு தாயக செயலணி போன்றனவற்றின் ஏற்பாட்டில் மூன்று ஊர்தி பவனிகள் இன்று (26) காலை யாழ் ப்பாணம் ஊரெழுவில் இருந்து யாழ் பலாலி வீதியின் ஊடாக நடைபவனியுடன் யாழ்ப்பாணம் நல்லூரில் அமைந்துள்ள திலீபனின் நினைவுத் தூபிக்கு கொண்டு செல்லப்பட்டன
இந்நிகழ்வில் தமிழ் தேசிய மக்கள் முன்னணியினர் தீவக நினைவேந்தல் குழுவினர் தாயக செயலணியின் உறுப்பினர்கள் மற்றும் ஆதரவாளர்கள் பொதுமக்கள் எனப்பலரும் கலந்துகொண்டனர்.
