கவன்திஸ்ஸ யானையின் மரணம்: விசாரணை கோரி எதிர்க்கட்சி எம்.பிக்கள் பிரேரணையில் கையெழுத்து!
இலங்கையின் தேசிய இயற்கை மரபின் ஒரு பகுதியாகக் கருதப்படும் கவன்திஸ்ஸ யானையின் மரணம் தொடர்பில் விசாரணை நடத்துவதற்காக, விசேட நாடாளுமன்றத் தெரிவுக்குழுவொன்றை நியமிக்குமாறு எதிர்க்கட்சி கோரிக்கை விடுத்துள்ளது.
இதற்கமைய, எதிர்க்கட்சித் தலைவர் சஜித் பிரேமதாச உள்ளிட்ட எதிர்க்கட்சி நாடாளுமன்ற உறுப்பினர்கள் பலர், குறித்த விசேட நாடாளுமன்றத் தெரிவுக்குழுவை நியமிக்கக் கோரும் பிரேரணையில் இன்று (21) கையெழுத்திட்டுள்ளனர்.
கவன்திஸ்ஸ யானையின் மரணத்துக்குப் பின்னணியில் உள்ள சம்பவங்கள் மற்றும் சூழ்நிலைகள் குறித்து விரிவான விசாரணை நடத்துவதே இந்தத் தெரிவுக்குழுவின் முக்கிய நோக்கமாகும்.
அத்துடன், இந்தச் சம்பவத்துடன் தொடர்புடைய அனைத்து தரப்பினரும் தமக்கு ஒப்படைக்கப்பட்ட பொறுப்புகளை முறையாக நிறைவேற்றியுள்ளனரா என்பதையும் கண்டறியத் திட்டமிடப்பட்டுள்ளது.
யானையின் மரணம் தொடர்பில் பொறுப்புக்கூறலை உறுதிப்படுத்துவதுடன், அதற்கான நீதியை நிலைநாட்டுவதையும் இந்த நடவடிக்கை நோக்கமாகக் கொண்டுள்ளதாக எதிர்க்கட்சி தெரிவித்துள்ளது.
குறித்த பிரேரணை விரைவில் நாடாளுமன்ற சபாநாயகரிடம் சமர்ப்பிக்கப்படவுள்ளதாகத் தெரிவிக்கப்படுகிறது.
