‘ஸ்லம்டாக் 33 டெம்பிள் ரோடு’ படப்பிடிப்பு நிறைவு!
நடிகர் விஜய் சேதுபதி கதாநாயகனாக நடித்துள்ள ‘ஸ்லம்டாக் 33 டெம்பிள் ரோடு’ திரைப்படத்தின் படப்பிடிப்பு முழுமையாக நிறைவடைந்துள்ளதாகப் படக்குழு அறிவித்துள்ளது.
இயக்குநர் பூரி ஜெகந்நாத் இயக்கத்தில் உருவாகியுள்ள இப்படத்தில் சம்யுக்தா, தபு, துனியா விஜய், பிரம்மாஜி, விடிவி கணேஷ் உள்ளிட்ட பலர் முக்கிய கதாபாத்திரங்களில் நடித்துள்ளனர். படத்திற்கு ஹர்ஷவர்தன் ரமேஷ்வர் இசையமைத்துள்ளார்.
பூரி கனெக்ட்ஸ் மற்றும் ஜே.பி. மோஷன் பிக்சர்ஸ் நிறுவனங்கள் இணைந்து இப்படத்தைத் தயாரித்துள்ளன. இதன் இறுதிக்கட்டப் படப்பிடிப்பு ஹைதராபாத்தில் நடைபெற்று வந்த நிலையில், தற்போது அனைத்துப் படப்பிடிப்புப் பணிகளும் நிறைவடைந்துள்ளன.
இதையடுத்து, படத்தை விரைவில் திரையரங்குகளில் வெளியிடுவதற்கான நடவடிக்கைகளில் படக்குழுவினர் ஈடுபட்டுள்ளனர்.
‘ஸ்லம்டாக் 33 டெம்பிள் ரோடு’ திரைப்படம் தமிழ், தெலுங்கு, மலையாளம், கன்னடம் மற்றும் இந்தி ஆகிய ஐந்து மொழிகளில் வெளியாகவுள்ளது.
