லாஃப்ஸ் எரிவாயு விலை உயர்வு: உணவுப் பொருட்களின் விலைகளை அதிகரிக்க உணவகங்கள் தீர்மானம்
லாஃப்ஸ் (Laugfs) எரிவாயுவைப் பயன்படுத்தி இயங்கும் உணவகங்களில் பிரபலமான உணவுப் பொருட்களின் விலைகளை அதிகரிக்கத் தீர்மானிக்கப்பட்டுள்ளது.
இதன்படி, குறுகிய உணவுகள் (Short Eats), ஃப்ரைட் ரைஸ் மற்றும் கொத்து ரொட்டி உள்ளிட்ட உணவுப் பொருட்களின் விலைகள் அதிகரிக்கப்படவுள்ளதாக அகில இலங்கை உணவக உரிமையாளர்கள் சங்கம் அறிவித்துள்ளது.
லாஃப்ஸ் எரிவாயு விலை அதிகரிப்பைத் தொடர்ந்து இந்தத் தீர்மானம் எடுக்கப்பட்டுள்ளதாக சங்கத்தின் தலைவர் ஹர்ஷன ருக்ஷான் தெரிவித்துள்ளார்.
இதற்கமைய, லாஃப்ஸ் எரிவாயுவைப் பயன்படுத்தும் உணவகங்களில் குறுகிய உணவுப் பொருட்களின் விலை 5 ரூபாவாலும், ஃப்ரைட் ரைஸ் மற்றும் கொத்து ரொட்டியின் ஒரு பங்கின் விலை தலா 15 ரூபாவாலும் அதிகரிக்கப்படவுள்ளது.
லாஃப்ஸ் நிறுவனம் நேற்று நள்ளிரவு முதல் எரிவாயு விலைகளை அதிகரித்ததைத் தொடர்ந்து உணவக உரிமையாளர்கள் இந்த நடவடிக்கையை மேற்கொண்டுள்ளனர்.
இதன்படி, 12.5 கிலோகிராம் நிறையுடைய வீட்டு உபயோக எரிவாயு சிலிண்டரின் விலை 1,775 ரூபாவாலும், 5 கிலோகிராம் சிலிண்டரின் விலை 732 ரூபாவாலும் அதிகரிக்கப்பட்டுள்ளமை குறிப்பிடத்தக்கது.
