இலங்கை
சுங்கத்தின் பசுமை வழித்தடம் ஊடாக வெளிநாட்டு சிகரெட்டுகள் கடத்த முயற்சி – வியட்நாம் பிரஜை கைது!
இலங்கை சுங்கத் திணைக்களத்தின் பசுமை வழித்தடம் (Green Channel) ஊடாக 60 இற்கும் மேற்பட்ட பெட்டிகளில் அடைக்கப்பட்ட வெளிநாட்டு சிகரெட்டுகளைக் கடத்த முயன்ற சம்பவத்தை சுங்க அதிகாரிகள் முறியடித்துள்ளனர்.
இந்தச் சம்பவம் தொடர்பில் வியட்நாம் நாட்டுப் பிரஜை ஒருவர் கைது செய்யப்பட்டுள்ளார்.
நேற்று இரவு முன்னெடுக்கப்பட்ட விசேட சோதனை நடவடிக்கையின்போதே இந்தக் கடத்தல் முயற்சி கண்டுபிடிக்கப்பட்டுள்ளது.
சுங்கத் திணைக்களத்தின் பிரதிப் பணிப்பாளர் லக்சல் சந்திரசிறியின் தலைமையில் இந்த நடவடிக்கை முன்னெடுக்கப்பட்டதாகத் தெரிவிக்கப்பட்டுள்ளது.
