திரெட்ஸ் - Threads செயலி சாதனை - ஐந்து நாட்களில் 100 மில்லியன் பயனர்கள்
மெட்டா நிறுவனத்தின் புதிய அறிமுகமான திரெட்ஸ் சமூக வலைதள சேவைச் செயலி (Threads) வெளியான ஐந்து நாட்களில் 100 மில்லியன் பயனர்களை பெற்று சாதனை நிகழ்த்தி இருக்கிறது.
மெட்டா நிறுவனத்தின் தலைமை செயல் அதிகாரி மார்க் சக்கர்பர்க் இந்த தகவலை உறுதிப்படுத்தி இருக்கிறார். இத்தகைய மைல்கல்லை எட்டியதில் திரெட்ஸ் செயலியானது Chat GPT-யை பின்னுக்குத் தள்ளியுள்ளது.
திரெட்ஸ் சேவையின் பயனர் எண்ணிக்கை பற்றிய விவரங்களை இன்ஸ்டாகிராம் செயலியிலேயே அறிந்து கொள்ள முடியும். அறிமுகமான இரண்டு மணி நேரத்தில் திரெட்ஸ் செயலியை இரண்டு மில்லியனுக்கும் அதிகமானோர் தரவிறக்கம் செய்து இருந்தனர்.
பிறகு பயனர் எண்ணிக்கை படிப்படியாக 5 மில்லியன், 10 மில்லியன், 30 மில்லியன் மற்றும் 70 மில்லியன் வரை சீராக அதிகரித்தது.
இத்தகைய தரவிறக்கங்கள் மூலம் திரெட்ஸ் செயலி, மெட்டா நிறுவனத்தின் எதிர்பார்ப்புகளை கடந்து அமோக வரவேற்பை பெற்று இருப்பதாக மார்க் சக்கர்பர்க் தெரிவித்துள்ளார்.
சமூக வலைத்தளங்களில் ஆதிக்கம் செலுத்திவரும் ட்விட்டருக்குப் போட்டியாகவே சக்கர்பேர்க்கினால் திரெட்ஸ் களமிறக்கப்பட்டது என்பது சமூக வலைத்தள ஆர்வலர்களின் கருத்தாகவுள்ளது.