ஜிமெயிலுக்கு போட்டியாக எக்ஸ்மெயில்:அதிர்ச்சியில் கூகுள்
பிரபலமான ஜிமெயிலுக்கு போட்டியாக தனது சொந்த மின்னஞ்சல் தளத்தை உருவாக்கி டிஜிட்டல் உலகத்தை கைப்பற்றும் தனது திட்டங்களுடன் எலான் மஸ்க் (Elon Musk) முன்னேறி வருகிறார்.
முன்னர் ட்விட்டர் தளமாக இருந்து தற்போது எக்ஸ் என மாற்றம் பெற்றுள்ள தளமானது விரைவில் எக்ஸ் மெயில் சேவையை அறிமுகப்படுத்தவுள்ளதாக எலான் மஸ்க் அண்மையில் அறிவித்துள்ளார்.
மேலும் எலான் மஸ்க் தனது சொந்த செயற்கை நுண்ணறிவு கருவியை ChatGPT க்கு போட்டியாக உருவாக்கியுள்ளார், இது AI தொழில்நுட்பத்தின் எதிர்காலத்தில் ஒரு முக்கிய பகுதியாக கருதப்படுகிறது.
இப்போது கூகுளின் ஜிமெயில் சேவைக்கு போட்டியாக தனது சொந்த மின்னஞ்சல் சேவையான 'எக்ஸ்மெயில்" ( XMail ) ஐ அறிமுகப்படுத்த திட்டமிட்டுள்ளதாக எலான் மஸ்க் உறுதிபடுத்தியுள்ளார்.
குறித்த சேவை எப்போது அறிமுகப்படுத்தப்படும் என்ற மேலதிக விவரங்கள் வழங்கப்படவில்லை.
எனினும், இது X பயன்பாட்டில் ஒருங்கிணைக்கப்படும் என்று எதிர்பார்க்கப்படுகிறது.
