மெட்ரோ பேருந்துகள் முன்பதிவு: தவறான தகவல்களை நம்ப வேண்டாம் என எச்சரிக்கை!
மெட்ரோ பேருந்துகளை தனிப்பட்ட தேவைகளுக்காக முன்பதிவு செய்ய முடியும் என சமூக வலைத்தளங்களில் பரவி வரும் தகவல்கள் முற்றிலும் தவறானவை என லங்கா மெட்ரோ டிரான்சிட் (பிரைவேட்) லிமிடெட் (Lanka Metro Transit (Pvt) Ltd) நிறுவனம் அறிவித்துள்ளது.
இது தொடர்பில் பொதுமக்கள் மத்தியில் நிலவி வரும் குழப்ப நிலை குறித்து விழிப்புணர்வூட்டும் வகையில் அந்த நிறுவனம் வெளியிட்டுள்ள ஊடக அறிக்கையிலேயே இவ்விடயம் குறிப்பிடப்பட்டுள்ளது.
மெட்ரோ பேருந்துகளை தனிப்பட்ட தேவைகளுக்காக வாடகைக்கு அமர்த்துவதற்கோ அல்லது முன்பதிவு செய்வதற்கோ எந்தவொரு பொறிமுறையோ வசதியோ வழங்கப்படவில்லை என அந்நிறுவனம் திட்டவட்டமாகத் தெரிவித்துள்ளது.
எனவே, இவ்வாறான போலி மற்றும் தவறான பிரசாரங்களை நம்பி ஏமாற வேண்டாம் என்றும், அனைத்துச் சரியான மற்றும் உறுதிப்படுத்தப்பட்ட தகவல்களுக்கு லங்கா மெட்ரோ டிரான்சிட் நிறுவனத்தின் உத்தியோகபூர்வ ஊடகப் பக்கங்களை மாத்திரம் பின்பற்றுமாறும் பொதுமக்கள் கேட்டுக் கொள்ளப்பட்டுள்ளனர்.
