11 மாவட்டங்களுக்கு 'எச்சரிக்கை மட்டம்' கொண்ட வெப்ப வானிலை எச்சரிக்கை!
இலங்கையின் 11 மாவட்டங்களுக்கு நாளை (அக்டோபர் 03) வெப்பமான வானிலை நிலவக்கூடும் என்பதால் 'எச்சரிக்கை மட்டம்' (Caution level) கொண்ட வானிலை அறிக்கை வெளியிடப்பட்டுள்ளது.
இது தொடர்பில் வளிமண்டலவியல் திணைக்களம் வெளியிட்டுள்ள அறிவுறுத்தலில், நாட்டின் வடக்கு , வடமத்திய மற்றும் கிழக்கு மாகாணங்களிலும் மொணராகலை மாவட்டத்திலும் நாளை பகல் வேளையில் மனித உடலால் உணரப்படும் வெப்பத்தின் அளவு அதிகரிக்கும் எனத் தெரிவிக்கப்பட்டுள்ளது.
வெப்பக் சுட்டெண் (Heat index) சில இடங்களில் 'எச்சரிக்கை மட்டம்' வரை உயரக்கூடும் என்பதால், பொதுமக்கள் போதுமான அளவு நீர் அருந்துமாறும் , நேரடியாக சூரிய ஒளி படும் இடங்களில் நீண்ட நேரம் நிற்பதைத் தவிர்க்குமாறும் கேட்டுக்கொள்ளப்பட்டுள்ளனர். மேலும், நாளின் அதிக வெப்பமான நேரங்களில் அதிக சிரமமளிக்கும் வெளிப்புறச் செயல்பாடுகளைக் குறைத்துக் கொள்ளுமாறும் வளிமண்டலவியல் திணைக்களம் அறிவுறுத்தியுள்ளது.
