சர்ச்சைக்குரிய வசாவிளான் இராணுவ வைத்தியசாலையை நேரில் பார்வையிட்ட பாதுகாப்புச் செயலாளர்

arvloshan.com

யாழ்ப்பாணத்திற்கு விஜயம் மேற்கொண்ட பாதுகாப்புச் செயலாளர் எயார் வைஸ் மார்ஷல் சம்பத் தூயகொந்தா (ஓய்வு), பொதுமக்களின் எதிர்ப்புக்கு மத்தியில் சர்ச்சைக்குரிய வசாவிளான் இராணுவ வைத்தியசாலையை நேரில் சென்று பார்வையிட்டுள்ளார்.

யாழ்ப்பாணத்திற்கு விஜயம் செய்த பாதுகாப்புச் செயலாளர், முதலில் பலாலியில் அமைந்துள்ள யாழ்ப்பாணம் பாதுகாப்புப் படைத் தலைமையகத்தில் இராணுவத் தளபதி லெப்டினன் ஜெனரல் நிலந்த பிரேமரத்ன மற்றும் வடக்கு மாகாணத்தின் சிரேஷ்ட இராணுவ அதிகாரிகளைச் சந்தித்து கலந்துரையாடியுள்ளார்.

இதன்போது, வடக்கு மாகாணத்தில் இராணுவத்தின் செயற்பாடுகள் மற்றும் நிர்வாக நடவடிக்கைகள் குறித்து விரிவாக ஆராயப்பட்டுள்ளது. குறிப்பாக, மூலோபாயத் தேவைகள், வழங்கல் ஏற்பாடுகள், படையினரின் நலன்புரி உள்ளிட்ட முக்கிய இராணுவ விவகாரங்கள் தொடர்பில் விசேட கவனம் செலுத்தப்பட்டுள்ளது.

இதனைத் தொடர்ந்து, வசாவிளான் பகுதியில் நிர்மாணிக்கப்பட்டு வரும் இராணுவ வைத்தியசாலைக்கும் பாதுகாப்புச் செயலாளர் விஜயம் செய்துள்ளார். இதன்போது, வைத்தியசாலையின் கட்டடத் தொகுதியைப் பார்வையிட்டதுடன், அதன் அபிவிருத்தித் திட்டங்கள் குறித்தும் ஆராய்ந்துள்ளார்.

36 ஆண்டுகளுக்கும் மேலாக இராணுவக் கட்டுப்பாட்டில் காணிகள்

குறித்த வைத்தியசாலை அமைந்துள்ள பகுதி உள்ளிட்ட வசாவிளானின் பல பகுதிகள் கடந்த 36 ஆண்டுகளுக்கும் மேலாக இராணுவத்தின் கட்டுப்பாட்டில் இருந்து வருகின்றன.

இந்நிலையில், வைத்தியசாலை அமைந்துள்ள காணி உட்பட இராணுவக் கட்டுப்பாட்டில் உள்ள பொதுமக்களின் காணிகளை விடுவிக்குமாறு கோரி வசாவிளான் மக்கள் ஒவ்வொரு ஞாயிற்றுக்கிழமையும் வசாவிளான் சந்தியில் போராட்டங்களை முன்னெடுத்து வருகின்றனர்.

மேலும், குறித்த இராணுவ வைத்தியசாலையை அமைப்பதற்கு வலிகாமம் வடக்கு பிரதேச சபையிடம் உரிய அனுமதி பெறப்படவில்லை எனத் தெரிவிக்கப்பட்டுள்ளது. இதனால், அதன் நிர்மாணப் பணிகளை நிறுத்துமாறு கோரி வலிகாமம் வடக்கு பிரதேச சபையினர் யாழ்ப்பாண மாவட்டக் கட்டளைத் தளபதிக்கு எழுத்துமூலம் அறிவித்துள்ளனர்.

காணி விடுவிப்பு தொடர்பில் ஏமாற்றம்

இதற்கிடையில், பாதுகாப்புச் செயலாளரின் யாழ்ப்பாண விஜயத்தைத் தொடர்ந்து, இராணுவக் கட்டுப்பாட்டில் உள்ள பொதுமக்களின் காணிகளை விடுவிப்பது தொடர்பில் முக்கிய அறிவிப்புகள் வெளியாகும் என அப்பகுதி மக்கள் எதிர்பார்த்திருந்தனர்.

எனினும், இந்த விஜயத்தின்போது காணி விடுவிப்பு தொடர்பில் எவ்வித அறிவிப்புகளும் வெளியிடப்படவில்லை.

இதனால், தமது பூர்வீகக் காணிகளை மீண்டும் பெற்றுக்கொள்ளக் காத்திருக்கும் காணி உரிமையாளர்கள் பெரும் ஏமாற்றமடைந்துள்ளனர்.


ஏனைய செய்திகள்

arvoshan.com

11 வயது சிறுவனை பாலியல் துஷ்பிரயோகம் செய்த குற்றச்சாட்டு: பௌத்த பிக்குவின் 14 ஆண்டு சிறைத்தண்டனை உறுதி

...

arvoshan.com

ஹெய்ட்டியில் கும்பல்களுக்கு எதிரான வெற்றிகரமான நடவடிக்கை: இலங்கைப் படையினருக்கு பிரதமர் பாராட்டு

...

arvoshan.com

நீல்தியா பொக்குனாவுக்கான சுற்றுலாப் பயணங்கள் தற்காலிகமாக இடைநிறுத்தம்

...

arvoshan.com

ஹிங்குரானா டிஸ்டிலரீஸ் நிறுவனத்தின் 270 மில்லியன் ரூபா சுங்க வரி மீளளிப்புக் கோரிக்கை நிராகரிப்பு

...

arvoshan.com

ஞானசார தேரரின் மேன்முறையீடு நிராகரிப்பு: நான்கு ஆண்டு கடூழிய சிறைத்தண்டனை உறுதி – நீதிமன்றம் அதிரடி விளக்கம்!

...

arvoshan.com

கட்டுமானத் துறையின் பிரச்சினைகளுக்குத் தீர்வளிக்கும் ‘Builders Gateway’ அலகு நாளை மறுதினம் திறப்பு

...

arvoshan.com

சுகாதாரமற்ற முறையில் தயிர் கொண்டு சென்ற இருவருக்கு ரூ.60,000 அபராதம்

...

arvoshan.com

2029ஆம் ஆண்டளவில் 5,000 ஆயுர்வேத மருத்துவப் பட்டதாரிகள் வேலையின்றி இருக்கக்கூடும் – சாணக்கியன் எச்சரிக்கை

...

arvoshan.com

அக்வான் புயல் இந்தியாவை நெருங்குகிறது: கடும் காற்று, கொந்தளிப்பான கடல் குறித்து சிவப்பு எச்சரிக்கை

...

arvoshan.com

இலங்கையில் இந்த ஆண்டு 1,10,431 டெங்கு நோயாளர்கள் பதிவு – 82 பேர் உயிரிழப்பு!

...

arvoshan.com

ராஜாங்கனை சத்தரதன தேரர் நவம்பர் 26ஆம் திகதி வரை விளக்கமறியலில்

...

arvoshan.com

காவல்துறையில் 20,000 பேரை கட்டம் கட்டமாக இணைக்கத் திட்டம் – அமைச்சர் அறிவிப்பு

...

arvoshan.com

இலங்கையின் 2027 வரவு செலவுத் திட்டம்: கடன் குறைப்பு இலக்கில் தொடரும் பயணம் – Fitch Ratings

...

arvoshan.com

கம்பஹா சனச நிதி நெருக்கடி: பாதிக்கப்பட்ட வைப்பாளர்களின் பணத்தை மீள வழங்குவது தொடர்பில் நாடாளுமன்றத்தில் ஆராய்வு

...

arvoshan.com

நக்கிள்ஸ் வனப்பகுதி சம்பவம்: 15 வயது சிறுமியின் கல்விக்கு அரசாங்கம் உதவி

...