இலங்கை
தெற்கு கடற்பரப்பில் போதைப்பொருள் கடத்தல் சந்தேகத்தில் மற்றுமொரு மீன்பிடிப் படகு கடற்படையினரால் மடக்கிப்பிடிப்பு!
இலங்கையின் தெற்கு கடற்பரப்பில் மேற்கொள்ளப்பட்ட விசேட நடவடிக்கையின்போது, போதைப்பொருட்களை கடத்திச் சென்றதாகச் சந்தேகிக்கப்படும் பலநாள் மீன்பிடிப் படகொன்றை இலங்கை கடற்படையினர் கைப்பற்றியுள்ளனர்.
உள்ளூர் மீன்பிடிப் படகான இது, போதைப்பொருள் தொகையொன்றைக் கொண்டு சென்றதாகக் கிடைத்த சந்தேகத்தின் அடிப்படையில், ஆழ்கடலில் வைத்து கடற்படையினரால் இடைமறிக்கப்பட்டுள்ளது.
இதன்போது படகில் இருந்த சந்தேகநபர்களும் படகும் மேலதிக விசாரணைகளுக்காக கரைக்கு அழைத்து வரப்பட்டு வருவதாக கடற்படை தெரிவித்துள்ளது.
படகு கரையை வந்தடைந்த பின்னர் விரிவான விசாரணைகள் முன்னெடுக்கப்படவுள்ளதுடன், கைப்பற்றப்பட்டதாகச் சந்தேகிக்கப்படும் போதைப்பொருட்கள் தொடர்பான மேலதிக விபரங்கள் பின்னர் வெளியிடப்படும் எனவும் கடற்படை குறிப்பிட்டுள்ளது.
