ஊழலுக்கு எதிரான சட்ட நடவடிக்கைகளைத் தடுக்க முயற்சிப்பதைக் கண்டித்து ஜனாதிபதி செயலகத்திற்கு முன்பாகப் போராட்டம்
கொழும்பில் உள்ள ஜனாதிபதி செயலகத்திற்கு முன்பாக, ஊழலுக்கு எதிரான சட்ட நடவடிக்கைகளை முன்னெடுக்க வலியுறுத்தி சனிக்கிழமை (17) போராட்டமொன்று முன்னெடுக்கப்பட்டது.
“ஊழல்வாதிகளைத் தண்டிப்பதற்கு எதிரான சதிகளைத் தோற்கடிப்போம்” என்ற தொனிப்பொருளில், “ஜனவரமே புரவசியோ” (மக்கள் ஆணையின் குடிமக்கள்) அமைப்பினால் இந்தப் போராட்டம் ஏற்பாடு செய்யப்பட்டிருந்தது.
ஊழல் குற்றச்சாட்டுகளுக்கு உள்ளானவர்களுக்கு எதிராகச் சட்ட நடவடிக்கை எடுப்பதைத் தடுப்பதற்கான முயற்சிகள் இடம்பெறுவதாகத் தெரிவித்து, அதற்கு எதிர்ப்புத் தெரிவிக்கும் வகையில் போராட்டக்காரர்கள் இந்த ஆர்ப்பாட்டத்தில் ஈடுபட்டனர்.
இதற்கமைய, முதலில் கொழும்பு கோட்டை பகுதியில் ஒன்றுகூடிய போராட்டக்காரர்கள், அங்கிருந்து காலி முகத்திடல் நோக்கிப் பேரணியாகச் சென்று, பின்னர் ஜனாதிபதி செயலகத்திற்கு முன்பாக ஆர்ப்பாட்டத்தில் ஈடுபட்டனர்.
