இலங்கை
பொரளையில் எதிர்ப்பு பேரணி: கொழும்பில் கடும் போக்குவரத்து நெரிசல்!
பொரளைப் பகுதியிலும் அதனைச் சூழவுள்ள வீதிகளிலும் முன்னெடுக்கப்பட்டு வரும் எதிர்ப்புப் பேரணி காரணமாக அப்பகுதியில் கடுமையான போக்குவரத்து நெரிசல் ஏற்பட்டுள்ளதாகத் தெரிவிக்கப்படுகின்றது.
குறித்த எதிர்ப்புப் பேரணியானது தற்போது பொரளையிலிருந்து கொழும்பு கோட்டை (Colombo Fort) பகுதியை நோக்கி நகர்ந்து கொண்டிருப்பதாகத் தகவல்கள் தெரிவிக்கின்றன.
இதனால் பொரளையை மையம் கொண்ட பிரதான வீதிகளில் வாகனப் போக்குவரத்து பெருமளவில் பாதிக்கப்பட்டுள்ளதுடன், பயணிகள் மற்றும் சாரதிகள் பெரும் அசௌகரியங்களுக்கு உள்ளாகியுள்ளனர். எனவே, குறித்த வீதிகளைப் பயன்படுத்தும் பொதுமக்கள் மாற்று வழிகளைப் பயன்படுத்துமாறு கேட்டுக்கொள்ளப்படுகின்றனர்.
