நடிகர் அஜித்குமாரின் ‘டேர் டெவில்’ திரைப்பட படப்பிடிப்பு நவம்பர் 2-ஆம் திகதி ஆரம்பமாகிறது!

நடிகர் அஜித்குமார் நாயகனாக நடிக்கும் புதிய திரைப்படமான ‘டேர் டெவில்’ (Daredevil) படப்பிடிப்பு வரும் நவம்பர் மாதம் 2-ஆம் திகதி அதிகாரபூர்வமாக ஆரம்பமாகவுள்ளது என அறிவிக்கப்பட்டுள்ளது.

கடந்த சில காலமாக மகிழ்வுந்து பந்தயங்களில் தீவிர கவனம் செலுத்தி வந்த அஜித்குமார், அண்மையில் லண்டனில் நடைபெற்ற 'லீ மேன்ஸ்' (Le Mans) மகிழ்வுந்து பந்தயத்திலும் பங்கேற்றிருந்தார். இந்த நிலையில், அவரது அடுத்த கட்ட திரைப்பயணம் குறித்த அறிவிப்பு வெளியாகி ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.

‘குட் பேட் அக்லி’ திரைப்படத்தின் வெற்றியைத் தொடர்ந்து, இயக்குநர் ஆதிக் ரவிச்சந்திரனுடன் அஜித்குமார் மீண்டும் இணையும் இந்தப் திட்டம், ஆரம்பத்தில் ‘ஏகே 64’ (AK 64) என அழைக்கப்பட்டு வந்தது. பின்னர் கடந்த ஓகஸ்ட் மாதம் இப்படத்திற்கு ‘டேர் டெவில்’ எனப் பெயரிடப்பட்டமை குறிப்பிடத்தக்கது.

‘பிரேவ்ஹார்ட்’ (Braveheart) நிறுவனத்தின் தயாரிப்பில், அஜித்குமாரின் மனைவி ஷாலினி அஜித்குமார் இப்படத்தைத் தயாரிக்கவுள்ளார். இப்படத்திற்கு அனிருத் இசையமைக்கவுள்ளதுடன், அபிநந்தன் ராமானுஜம் ஒளிப்பதிவையும், விஜய் வேலுகுட்டி படத்தொகுப்பையும் பொறுப்பேற்றுள்ளனர்.