கொஸ்கொடவில் ஹெரோயின் மற்றும் துப்பாக்கியுடன் 29 வயது இளைஞர் கைது!
கொஸ்கொட, பல்லேகஸ்பலத பகுதியில் மேற்கொள்ளப்பட்ட கூட்டுத் திடீர் சுற்றிவளைப்பின்போது, ஹெரோயின், நவீன நுண்ணிய துப்பாக்கி மற்றும் வெடிமருந்துகளுடன் 29 வயதுடைய சந்தேக நபர் ஒருவர் கைது செய்யப்பட்டுள்ளதாகப் பொலிஸார் தெரிவித்துள்ளனர்.
காலி மாவட்ட குற்றத்தடுப்புப் பிரிவினர் மற்றும் இராணுவப் புலனாய்வுப் பிரிவினர் இணைந்து மேற்கொண்ட இந்த அதிரடி நடவடிக்கையின்போதே குறித்த கைது இடம்பெற்றுள்ளது.
இராணுவப் புலனாய்வுப் பிரிவினருக்குக் கிடைத்த இரகசியத் தகவலை அடுத்து, நேற்று முன்தினம் ஞாயிற்றுக்கிழமை (11) கொஸ்கொட, பல்லேகஸ்பலத பிரதேசத்தில் இந்தச் சோதனையானது வெற்றிகரமாக முன்னெடுக்கப்பட்டுள்ளது.
இதன்போது, சந்தேக நபரிடமிருந்து 3.1 கிராம் ஹெரோயின், ஒரு நுண்ணிய துப்பாக்கி மற்றும் இரண்டு பிகார் துப்பாக்கி ரவைகள் என்பன பொலிஸாரால் கைப்பற்றப்பட்டுள்ளன.
கைது செய்யப்பட்டவர் கொஸ்கொட, பல்லேகஸ்பலத பகுதியைச் சேர்ந்த 29 வயதுடைய வாலிபர் என அடையாளம் காணப்பட்டுள்ளார்.
இச்சம்பவம் தொடர்பான மேலதிக சட்ட நடவடிக்கைகளை கொஸ்கொட பொலிஸார் தீவிரமாக முன்னெடுத்து வருகின்றனர்.
