ஏப்ரல் மாதம் முதல் காணாமல் போன 43 வயது நபர் – பொதுமக்களின் உதவியை நாடும் பொலிஸார்
மீகஹதென்ன பகுதியில் உள்ள தனது வீட்டிலிருந்து கடந்த ஏப்ரல் மாதம் வெளியேறிய பின்னர் காணாமல் போன 43 வயதுடைய நபர் ஒருவரைக் கண்டறிய பொதுமக்களின் உதவியை இலங்கை பொலிஸார் கோரியுள்ளனர்.
பொலிஸ் ஊடகப் பிரிவு வெளியிட்ட தகவலின்படி, மீகஹதென்ன, புவகஹஹேன பகுதியைச் சேர்ந்த விக்கிரமநாயக்க கருணாரத்னகே தர்ஷன திவங்க என்பவரே இவ்வாறு காணாமல் போயுள்ளார்.
காணாமல் போன நபரின் தந்தை அளித்த முறைப்பாட்டின் அடிப்படையில், மீகஹதென்ன பொலிஸார் விசாரணைகளை ஆரம்பித்துள்ளனர்.
கடந்த 2026ஆம் ஆண்டு ஏப்ரல் மாதம் மானம்பிட்டிய மற்றும் வெலிகந்த பகுதிகளுக்குச் செல்வதாகக் கூறி அவர் வீட்டிலிருந்து வெளியேறியுள்ளதாக முறைப்பாட்டில் தெரிவிக்கப்பட்டுள்ளது. அதன் பின்னர் அவர் தொடர்பான எந்தவொரு தகவலும் கிடைக்கவில்லை என பொலிஸார் தெரிவித்துள்ளனர்.
காணாமல் போன நபர் சுமார் 5 அடி 4 அங்குல உயரம் கொண்டவர் எனவும், மாநிறம், மெலிந்த உடல்வாகு மற்றும் குட்டையான தலைமுடியைக் கொண்டவர் எனவும் அடையாளம் தெரிவிக்கப்பட்டுள்ளது.
இவர் தொடர்பில் ஏதேனும் தகவல்கள் தெரிந்தவர்கள் பின்வரும் தொலைபேசி இலக்கங்கள் ஊடாக பொலிஸாரைத் தொடர்புகொள்ளுமாறு கேட்டுக்கொள்ளப்பட்டுள்ளனர்.
- மீகஹதென்ன பொலிஸ் பொறுப்பதிகாரி: 071-8591706
- மீகஹதென்ன பொலிஸ் நிலையம்: 034-2284022
இச்சம்பவம் தொடர்பான மேலதிக விசாரணைகளை மீகஹதென்ன பொலிஸார் முன்னெடுத்து வருகின்றனர்.
