இளம் அரசியல்வாதி கனிஷ்க சேனாநாயக்க காலமானார்!
இளம் அரசியல்வாதியும், கொழும்பு மாநகர சபையின் முன்னாள் மேயர் ரோசி சேனாநாயக்கவின் மூத்த புதல்வருமான கனிஷ்க சேனாநாயக்க தனது 41 ஆவது வயதில் காலமானார்.
அவரது மறைவு குறித்த செய்தியை முன்னாள் அமைச்சர் ஹரின் பெர்னாண்டோ தனது சமூக வலைத்தளப் பக்கத்தில் உறுதிப்படுத்தியுள்ளார். "எங்கள் பார்வையை விட்டுச் சென்றாலும், எங்கள் இதயங்களை விட்டு என்றும் நீங்கமாட்டீர்கள். நிம்மதியாக உறங்குங்கள் சகோதரரே" என ஹரின் பெர்னாண்டோ பதிவிட்டுள்ளார்.
கடந்த 2020 ஆம் ஆண்டு நடைபெற்ற நாடாளுமன்றத் தேர்தலில், கொழும்பு மாவட்டத்தில் ஐக்கிய மக்கள் சக்தியின் சார்பில் கனிஷ்க சேனாநாயக்க போட்டியிட்டிருந்தார்.
சிறிய வயது முதலே அரசியலில் தீவிர ஆர்வம் காட்டி வந்த இவர், ஐக்கிய தேசியக் கட்சி மற்றும் ஐக்கிய மக்கள் சக்தி ஆகிய இரண்டு பிரதான அரசியல் கட்சிகளுடனும் இணைந்து பணியாற்றியுள்ளார்.
அரசியல் களத்திற்கு அப்பால், கார்ப்பரேட் துறையிலும் தடம்பதித்த இவர், பல்வேறு முன்னணி நிறுவனங்களின் பணிப்பாளர் சபையிலும் பொறுப்புகளை வகித்துள்ளார்.
ரோசி சேனாநாயக்க மற்றும் காலஞ்சென்ற அதுல சேனாநாயக்க தம்பதியரின் மூன்று பிள்ளைகளில், கனிஷ்க சேனாநாயக்க மூத்த மகனாவார்.
