இலங்கை
முன்னாள் ஜனாதிபதி ரணில் விக்கிரமசிங்கவை சந்தித்தார் இந்திய உயர்ஸ்தானிகர் சந்தோஷ் ஜா!
இலங்கைக்கான இந்திய உயர்ஸ்தானிகர் சந்தோஷ் ஜா , முன்னாள் ஜனாதிபதி ரணில் விக்கிரமசிங்கவை இன்று (25) காலை கொழும்பில் சந்தித்து கலந்துரையாடியுள்ளார்.
கொழும்பு, பிளவர் வீதியில் அமைந்துள்ள முன்னாள் ஜனாதிபதி ரணில் விக்கிரமசிங்கவின் அரசியல் அலுவலகத்தில் இச்சந்திப்பு இடம்பெற்றுள்ளது.
இச்சந்திப்பின் போது இருதரப்பிற்கும் இடையே இடம்பெற்ற கலந்துரையாடல்களின் விரிவான தகவல்கள் எதுவும் இதுவரை உத்தியோகபூர்வமாக வெளியிடப்படவில்லை.
இதேவேளை, இலங்கைக்கான இந்திய உயர்ஸ்தானிகராலயத்தின் அரசியல் விவகாரங்களுக்குப் பொறுப்பான அதிகாரி ராம் பாபுவும் இச்சந்திப்பில் கலந்துகொண்டிருந்தமை குறிப்பிடத்தக்கது.
