இலங்கை
அரசுக்கு 4.79 மில்லியன் நஷ்டம்: முன்னாள் பௌத்த சாசன அமைச்சுச் செயலாளர் கைது!
முன்னாள் பௌத்த சாசன அமைச்சுச் செயலாளருக்கு அரசாங்கத்திற்கு ரூபா 4.79 மில்லியன் நஷ்டத்தை ஏற்படுத்திய குற்றச்சாட்டின் கீழ் லஞ்ச ஊழல் விசாரணை ஆணைக்குழுவினால் கைது செய்யப்பட்டுள்ளார்.
அரசாங்கத்தின் முறையான கொள்முதல் நடைமுறைகளைப் பின்பற்றாமல் புத்தகங்களை அச்சிடுவதற்கு அனுமதி அளித்தமைக்காகவே முன்னாள் செயலாளர் கமல் பண்டார திஸாநாயக்க மீது இந்தக் குற்றச்சாட்டு சுமத்தப்பட்டுள்ளது.
இவ்வாறு முறையற்ற வகையில் அச்சிடும் பணிகளை முன்னெடுத்ததன் மூலம் அரசுக்கு ஏறத்தாழ 4.79 மில்லியன் ரூபாய் நஷ்டம் ஏற்பட்டுள்ளதாக இலஞ்ச அல்லது ஊழல் பற்றிய குற்றச்சாட்டுகளைப் புலனாய்வு செய்வதற்கான ஆணைக்குழு (CIABOC) தெரிவித்துள்ளது.
இது தொடர்பான மேலதிக விசாரணைகளை லஞ்ச ஊழல் விசாரணை ஆணைக்குழு தீவிரமாக முன்னெடுத்து வருகின்றது.
