டெலிகிராம் ஊடாக ரூ. 12.6 மில்லியன் இணைய மோசடி – சந்தேகநபர் கைது
டெலிகிராம் (Telegram) செயலி ஊடாக இணைய வருமானம் ஈட்டலாம் எனக் கூறி முன்னெடுக்கப்பட்ட ரூ. 12.6 மில்லியன் நிதி மோசடி தொடர்பில் சந்தேகநபர் ஒருவர் கைது செய்யப்பட்டுள்ளார்.
கணினி குற்றப் புலனாய்வுப் பிரிவின் வடமேல் மாகாணப் பிரிவினரால் கடந்த 2026 ஒக்டோபர் 19ஆம் திகதி இந்தக் கைது நடவடிக்கை முன்னெடுக்கப்பட்டுள்ளது.
இந்த மோசடியின் ஊடாக மொத்தமாக 12,691,033 ரூபாய் மோசடி செய்யப்பட்டுள்ளதாகத் தெரிவிக்கப்படுகிறது.
கைது செய்யப்பட்டவர் நவகத்தேகம பகுதியைச் சேர்ந்த 36 வயதுடையவர் எனத் தெரிவிக்கப்பட்டுள்ளது. மோசடி மூலம் பெறப்பட்ட பணத்தில் 500,000 ரூபாய் சந்தேகநபரின் தனிப்பட்ட வங்கிக் கணக்கில் நேரடியாக வைப்பிலிடப்பட்டுள்ளதாகவும், இதன் மூலம் அவர் குறித்த மோசடிக்குத் துணைபோயுள்ளதாகவும் விசாரணைகளில் தெரியவந்துள்ளது.
சம்பவம் தொடர்பில் கணினி குற்றப் புலனாய்வுப் பிரிவின் வடமேல் மாகாணப் பிரிவினர் மேலதிக விசாரணைகளை முன்னெடுத்து வருகின்றனர்.
