காதலர் ராஜவேல் ராஜை மணந்தார் நடிகை பிரியா பவானி சங்கர்!
தமிழ் திரையுலகின் பிரபல நடிகையான பிரியா பவானி சங்கர், தனது நீண்டகால காதலரான ராஜவேல் ராஜைத் திருமணம் செய்துகொண்டார்.
கல்லூரிப் பருவத்தில் இருந்து ராஜவேல் ராஜை காதலித்து வந்த பிரியா பவானி சங்கர், தற்போது அவரைத் திருமணம் செய்துள்ளார். உறவினர்கள் மற்றும் நெருங்கிய நண்பர்கள் முன்னிலையில் இவர்களது திருமணம் எளிமையான முறையில் நடைபெற்றுள்ளது. இத்திருமண நிகழ்வின் காணொளிகள் சமூக வலைதளங்களில் வெளியாகி வைரலாகி வருகின்றன.
தொலைக்காட்சியில் செய்தி வாசிப்பாளராக தனது ஊடகப் பயணத்தைத் தொடங்கிய பிரியா பவானி சங்கர், பின்னர் திரைப்படங்களில் நடிக்கத் தொடங்கினார். ‘மேயாத மான்’ திரைப்படத்தின் மூலம் ரசிகர்களிடையே கவனம் பெற்ற இவர், தொடர்ந்து ‘கடைக்குட்டி சிங்கம்’, ‘பத்து தல’, ‘டிமாண்டி காலனி 2’ உள்ளிட்ட பல திரைப்படங்களில் நடித்துள்ளார்.
சமீபத்தில் ரவி தேஜாவுடன் இணைந்து இவர் நடித்திருந்த ‘இருமுடிகட்டு’ திரைப்படம் வசூல் ரீதியாக சாதனை படைத்திருந்தது.
தமிழில் கடைசியாக ‘ஹாட்ஸ்பாட் 2 மச்’ திரைப்படத்தில் நடித்திருந்த பிரியா பவானி சங்கர், அடுத்ததாக நடித்துள்ள ‘டிமாண்டி காலனி 3’ திரைப்படம் 2027ஆம் ஆண்டு பொங்கல் பண்டிகையை முன்னிட்டு வெளியாகவுள்ளது.
இதற்கிடையில், இவர் நடித்துள்ள ‘மரகத நாணயம் 2’ திரைப்படத்தின் படப்பிடிப்பும் அண்மையில் நிறைவடைந்துள்ளது. மேலும், ஷங்கர் - கமல்ஹாசன் கூட்டணியில் உருவாகவுள்ள ‘இந்தியன் 3’ திரைப்படத்திலும் பிரியா பவானி சங்கர் நடித்துள்ளார்.
இந்நிலையில், நீண்டகால காதலரைத் திருமணம் செய்துகொண்ட நடிகை பிரியா பவானி சங்கருக்கு திரையுலகப் பிரபலங்களும் ரசிகர்களும் சமூக வலைதளங்கள் வாயிலாகத் தங்களது வாழ்த்துகளைத் தெரிவித்து வருகின்றனர்.
