இலங்கை
வணக்கத்திற்குரிய கெப்பட்டியாகொட சிறிவிமல நாயக்க தேரரின் இறுதிக்கிரியைகள் அரச அனுசரணையில்
இலங்கை ராமஞ்ஞ மகா நிகாயாவின் அனுநாயக்கரும், கட்டம்பே ராஜோபவனாராமய விகாரையின் விகாராதிபதியுமான மறைந்த வணக்கத்திற்குரிய கெப்பட்டியாகொட சிறிவிமல நாயக்க தேரரின் இறுதிக்கிரியைகளை அரச அனுசரணையுடன் நடத்துவதற்கு அமைச்சரவை அங்கீகாரம் வழங்கியுள்ளது.
இதற்கமைய, எதிர்வரும் புதன்கிழமை (ஒக்டோபர் 21) கண்டி, கட்டம்பே மாநகர சபை மைதானத்தில் இறுதிக்கிரியைகள் நடைபெறவுள்ளன.
பொது நிர்வாகம், மாகாண சபைகள் மற்றும் உள்ளூராட்சி அமைச்சர், புத்தசாசன, சமய மற்றும் கலாசார அலுவல்கள் அமைச்சர் ஆகியோர் இணைந்து இந்த யோசனையை அமைச்சரவையில் சமர்ப்பித்துள்ளனர்.
வணக்கத்திற்குரிய கெப்பட்டியாகொட சிறிவிமல நாயக்க தேரர் கடந்த ஒக்டோபர் 18ஆம் திகதி காலமானார்.
