மஹிந்த ராஜபக்ச மருத்துவமனையில் அனுமதி; உடல்நிலை சீராக இருப்பதாக தகவல்

கொழும்பில் உள்ள தனியார் மருத்துவமனை ஒன்றில் நாட்டின் முன்னாள் ஜனாதிபதி மஹிந்த ராஜபக்ச, வழக்கமான மருத்துவப் பரிசோதனைக்காக அனுமதிக்கப்பட்டுள்ளார். எனினும், அவருக்குத் தீவிர உடல்நலக் குறைவு ஏற்பட்டுள்ளதாகவும், தீவிர சிகிச்சைப் பிரிவில் (ICU) சிகிச்சை பெற்று வருவதாகவும் பரவிவரும் வதந்திகளை அவரது தரப்பினர் திட்டவட்டமாக மறுத்துள்ளனர்.

எண்பது வயதுடைய (80) முன்னாள் அதிபர் நலமுடன் இருப்பதாகவும், அவரது உடல்நிலை குறித்து அச்சப்படத் தேவையில்லை என்றும் ராஜபக்சவின் நெருங்கிய வட்டாரத் தெரிவித்துள்ளன.

அவரது உடல்நிலை கவலைக்கிடமாக இருப்பதாகவும், தீவிர சிகிச்சைப் பிரிவில் அனுமதிக்கப்பட்டுள்ளதாகவும் சமூக ஊடகங்களிலும் சில செய்தி நிறுவனங்களிலும் வெளியான தகவல்களில் எந்தவித உண்மையும் இல்லை என அந்த வட்டாரம் சுட்டிக்காட்டியுள்ளது.

இதேவேளை, முன்னாள் முதலாம் பெண்மணியும் மஹிந்த ராஜபக்சவின் மனைவியுமான ஷிராந்தி ராஜபக்ச தற்போது விளக்கமறலில் வைக்கப்பட்டுள்ளார். அவரது பிணை மனு தொடர்பான விசாரணை நாளை செவ்வாய்க்கிழமை (13) நீதிமன்றத்தில் எடுத்துக்கொள்ளப்படவுள்ளது.

மேலும், அவர்களது புதல்வரும் நாடாளுமன்ற உறுப்பினருமான நாமல் ராஜபக்சவும், நடைபெற்றுவரும் விசாரணைகளுடன் தொடர்புடைய வழக்கில் தற்போது விளக்கமறலில் வைக்கப்பட்டுள்ளமை குறிப்பிடத்தக்கது.