போதைப்பொருள் கடத்தல்: நீர்கொழும்பில் ரூ. 44.5 மில்லியன் சொத்துக்கள் முடக்கம்!
போதைப்பொருள் கடத்தல் நடவடிக்கைகளின் மூலம் ஈட்டப்பட்ட பணம் எனக் சந்தேகிக்கப்படும் வகையில் சேர்க்கப்பட்ட, நீர்கொழும்பு பிரதேசத்தைச் சேர்ந்த ஆண் மற்றும் பெண் இருவருக்குச் சொந்தமான சுமார் 44.5 மில்லியன் ரூபாய் பெறுமதியான சொத்துக்களை அதிகாரிகள் முடக்கியுள்ளனர்.
குறித்த நபர்கள் போதைப்பொருள் வியாபாரம் மூலமாகக் கிடைத்த வருமானத்தைக் கொண்டு இந்தச் சொத்துக்களை வாங்கியுள்ளதாகக் கிடைத்தத் தகவலின் அடிப்படையில், பொலிஸின் சட்டவிரோத சொத்துக்கள் விசாரணைப் பிரிவு இந்த விசாரணைகளைத் தொடங்கியது.
முடக்கப்பட்டுள்ள சொத்துக்களில், கட்டுநேரிய பகுதியில் அந்தப் பெண்ணின் பெயரில் வாங்கப்பட்ட சுமார் 9.5 மில்லியன் ரூபாய் பெறுமதியான 24.8 பேர்ச் காணியும், அதே காணயில் கட்டப்பட்டுள்ள சுமார் 35 மில்லியன் ரூபாய் பெறுமதியான இரண்டு மாடி வீடும் அடங்குகின்றன.
பணச்சலவை தடுப்புச் சட்டத்தின் கீழ், இந்தச் சொத்துக்கள் 14 நாட்களுக்குத் தற்காலிகமாக முடுக்கப்பட்டுள்ளன.
இது தொடர்பான மேலதிக விசாரணைகளை சட்டவிரோத சொத்துக்கள் விசாரணைப் பிரிவினர் தீவிரமாக மேற்கொண்டு வருகின்றனர்.
